Bodö/Glimt og Rosenborg gerðu jafntefli

Norska úrvalsdeildin hófst aftur í kvöld eftir sumarfrí er Bodö/Glimt og Rosenborg gerðu 1-1 jafntefli.

Birkir Bjarnason var ekki í leikmannahópi Bodö/Glimt sem komst yfir í leiknum með marki Thomas Rönning á 57. mínútu.

Vadim Demidov jafnaði metin aðeins fjórum mínútum síðar og þar við sat.

Bodö/Glimt er í þriðja sæti deildarinnar með átján stig, sex stigum á eftir toppliði Stabæk sem á þar að auki leik til góða.

Rosenborg er í fimmta sætinu með fimmtán stig.