Fótbolti

Chelsea áfram - Liverpool tók efsta sætið

Elvar Geir Magnússon skrifar
Kalou fagnar fyrra marki Chelsea.
Kalou fagnar fyrra marki Chelsea.

Í kvöld lauk keppni í fjórum riðlum í Meistaradeild Evrópu. Didier Drogba kom inn sem varamaður og tryggði Chelsea 2-1 sigur á rúmenska liðinu Cluj í A-riðli. Enska liðið var þó ekki sannfærandi í leiknum.

Salomon Kalou kom Chelsea yfir í leiknum en Yssouf Kone jafnaði fyrir Cluj með laglegu skallamarki. En Drogba átti lokaorðið og Chelsea fylgir Roma áfram en Brighi og Totti skoruðu mörk ítalska liðsins í sigri á Bordeaux.

Anorthosis Famagusta tókst ekki að vinna Panatinaikos í B-riðli og því fer gríska liðið áfram ásamt Ítalíumeisturum Inter. Werder Bremen vann góðan sigur á Inter í kvöld en það dugði þó ekki fyrir þýska liðið til að komast áfram.

Í C-riðli tapaði ungt lið Barcelona fyrir Shaktar Donetsk. Eiður Smári Guðjohnsen byrjaði á bekknum en kom inn sem varamaður á 76. mínútu. Hann átti stórglæsilega stoðsendingu á Busquets sem skoraði annað mark Börsunga.

Ryan Babel, Albert Riera og David N'Gog skoruðu mörk Liverpool sem vann öruggan útisigur á PSV Eindhoven. Þar sem Atletico Madrid tókst ekki að vinna Marseille hafnaði Liverpool í efsta sæti D-riðils.

Úrslit kvöldsins - Tvö efstu liðin komast áfram í 16 liða úrslit, liðin í þriðja sæti fá sæti í UEFA bikarnum.

A-riðill:

Chelsea - Cluj 2-1

Roma - Bordeaux 2-0

Lokastaðan:

Roma 12 stig (+6 í markatölu)

Chelsea 11 (+4)

Bordeaux 7 (-6)

Cluj 4 (-4)

B-riðill:

Panathinaikos - Famagusta 1-0

Werder Bremen - Inter 2-1

Lokastaðan:

Panathinaikos 10 stig (+1 í markatölu)

Inter 8 (+1)

Werder Bremen 7 (-2)

Famagusta 6 (0)

C-riðill:

Barcelona - Shaktar Donetsk 2-3

Basel - Sporting Lissabon 0-1

Lokastaðan:

Barcelona 13 stig (+10 í markatölu)

Sporting 12 (0)

Shakhtar 9 (+4)

Basel 1 (-14)

D-riðill:

Marseille - Atletico Madrid 0-0

PSV Eindhoven - Liverpool 1-3

Lokastaðan:

Liverpool 14 stig (+6 í markatölu)

Atletico 12 stig (+5 í markatölu)

Marseille 4 (-2)

PSV 3 (-9)


Tengdar fréttir

Carragher: Gott kvöld fyrir Liverpool

Liverpool tryggði sér toppsæti D-riðils með sigri á PSV Eindhoven í kvöld. Jamie Carragher, varnarmaður Liverpool, segir að kvöldið hafi verið frábært fyrir félagið.

Mourinho: Eigum skilið það versta

Jose Mourinho, þjálfari Inter, segir að hans menn eigi ekkert betra skilið en að mæta Barcelona eða Manchester United í næstu umferð Meistaradeildarinnar.




Fleiri fréttir

Sjá meira


×