Arteta útilokar að fara til Spánar

Spænski miðjumaðurinn Mikel Arteta hjá Everton segist vera fullkomlega ánægður í herbúðum Everton og segist alls ekki hafa í huga að snúa til heimalandsins á næstunni. Hann hefur verið orðaður við félög á borð við Atletico Madrid í heimalandinu.

"Mig langar að snúa heim einn daginn og spila eitt eða tvö ár á Spáni, en eins og ég hef alltaf sagt, er ég ánægður hjá Everton og mér hefur liðið vel hér frá því ég kom hingað," sagði hinn 26 ára gamli leikstjórnandi.