Árni Gautur áfram hjá Odd Grenland

Árni Gautur Arason hefur samið við norska B-deildarliðið Odd Grenland til næstu tveggja ára.

Þetta kom í ljós í gærkvöldi eftir að Odd Grenland tapaði fyrir Vålerenga, gamla félagi Árna Gauts, í undanúrslitum norsku bikarkeppninnar.

Árni Gautur þótti eiga góðan leik í marki Odd Grenland og kom hann í veg fyrir enn stærra tap.

Hann lék einnig lengi með Rosenborg í Noregi en hann kom til Odd Grenland í síðasta mánuði eftir að hafa verið án félags í nokkra mánuði.