Rússneskir hermenn eru enn í Georgíu. Á meðfylgjandi mynd sjást tveir þeirra við vegaeftirlit á sjálfskipuðu öryggissvæði skammt frá borginni Gori.
Georgíumenn segja að þetta jafngildi hernámi og Vesturlönd segja þetta brot á vopnahléssamkomulagi sem Rússar undirrituðu.
Rússar segja hinsvegar að þetta sé nauðsynlegt til þess að vernda rússneska þegna í Suður-Ossetíu.
Rússar hafa viðurkennt sjálfstæði héraðsins og útdeilt rússneskum vegabréfum til íbúa þess.
