Drogba orðaður við Inter á ný

Framherjinn Didier Drogba hjá Chelsea hefur nú enn á ný verið orðaður við félög á meginlandinu. Ítalska blaðið Corriere dello Sport segist hafa heimildir fyrir því að Drogba hafi sagt vinum sínum að hann ætli til Inter í sumar.

Drogba hefur verið tvísaga með framtíð sína í Lundúnum en lýsti því nýverið yfir að hann ætlaði að spila út samning sinn við þá bláu til ársins 2012.

Hann hefur engu að síður verið orðaður við AC Milan, Inter, Barcelona og Real Madrid.