Steinar rís úr djúpi 20. nóvember 2008 06:00 Frá æfingu Labloka í Hafnarfirði.Mynd: Fréttablaðið/Stefán Á föstudagskvöld frumsýnir þrettán manna leikhópur undir stjórn Rúnars Guðbrandssonar verkið Steinar í djúpinu í Hafnarfjarðarleikhúsinu. Verkið byggir einkum á þremur verkum eftir Steinar Sigurjónsson skáld, Blandað í svartan dauðann, Skipin sigla og Djúpinu. Þar takast á tveir ólíkir heimar, raunsæislegur veruleiki slorþorpsins eins og Steinar lýsti því og dulræður heimur vitundar þjóðarsálarinnar um miðja síðustu öld. Rúnar hefur um nokkurt skeið haft uppi áætlanir um sviðsverk byggt á höfundarverki Steinars og snemma á þessu ári fékk LabLoki stærsta styrk Leiklistarráðs til að koma sýningu saman, 7 milljónir. Hér er ekki um að ræða leikgerð á einu tilteknu verki eftir Steinar heldur sjálfstætt leikhúsverk sem sækir innblástur í allt hans höfundarverk og að hluta til í ævi hans og örlög: Verkið er vegferð um „kvasseggjað grjót" segir í tilkynningu flokksins, „ferðalag um sagnaheim Steinars; um þorpið þar sem lúin þil lykta af hlandi og svita og fullir dusar blanda í svartan dauðann; um ægifegurðir og erkiljótleika djúpsins sem er ægilegt. Jafn heillandi og skelfingin sem á móti vegur. Tónlist kemur hér mjög við sögu, takturinn í tungutakinu, músikin í málnotkuninni og knéfiðlan og slagharpan eru sjaldan langt undan, enda tekur ferðalagið mið af sónötunni." Það er stór hópur listamanna á sviðinu en leikhópinn skipa þrettán, þar af þrír tónlistarmenn. Rúnar segir allt rýmið í Hafnarfjarðarleikhúsinu undir. Móeiður Helgadóttir gerir leikmynd, Myrra Leifsdóttir búninga, Ásta Hafþórsdóttir gervi og Garðar Borgþórsson lýsingu. Tónlist er eftir Guðna Franzson sem flytur hana ásamt þeim Bryndísi Höllu Gylfadóttur og Daníel Þorsteinssyni. Leikhópinn skipa þau Árni Pétur Guðjónsson, Birna Hafstein, Erling Jóhannesson, Harpa Arnardóttir, Karl Guðmundsson, Ólafur Darri Ólafsson, Steinunn Knútsdóttir, Tómas Lemarquis, Hjálmar Hjálmarsson og Björn Ingi Hilmarsson. Stefnt er að sex sýningum í Hafnarfjarðarleikhúsinu en þar er nú þéttsetinn bekkurinn. Mikill skortur er á aðstöðu sjálfstæðra leikhópa um þessar mundir og segir Erling Jóhannesson hjá Hafnarfjarðarleikhúsinu mikla ásókn í sýningaraðstöðu í Firðinum og þar eru flokkar bókaðir inn eins þétt og mögulegt er. pbb@frettabladid.is Mest lesið Vala Grand gengin út Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Á föstudagskvöld frumsýnir þrettán manna leikhópur undir stjórn Rúnars Guðbrandssonar verkið Steinar í djúpinu í Hafnarfjarðarleikhúsinu. Verkið byggir einkum á þremur verkum eftir Steinar Sigurjónsson skáld, Blandað í svartan dauðann, Skipin sigla og Djúpinu. Þar takast á tveir ólíkir heimar, raunsæislegur veruleiki slorþorpsins eins og Steinar lýsti því og dulræður heimur vitundar þjóðarsálarinnar um miðja síðustu öld. Rúnar hefur um nokkurt skeið haft uppi áætlanir um sviðsverk byggt á höfundarverki Steinars og snemma á þessu ári fékk LabLoki stærsta styrk Leiklistarráðs til að koma sýningu saman, 7 milljónir. Hér er ekki um að ræða leikgerð á einu tilteknu verki eftir Steinar heldur sjálfstætt leikhúsverk sem sækir innblástur í allt hans höfundarverk og að hluta til í ævi hans og örlög: Verkið er vegferð um „kvasseggjað grjót" segir í tilkynningu flokksins, „ferðalag um sagnaheim Steinars; um þorpið þar sem lúin þil lykta af hlandi og svita og fullir dusar blanda í svartan dauðann; um ægifegurðir og erkiljótleika djúpsins sem er ægilegt. Jafn heillandi og skelfingin sem á móti vegur. Tónlist kemur hér mjög við sögu, takturinn í tungutakinu, músikin í málnotkuninni og knéfiðlan og slagharpan eru sjaldan langt undan, enda tekur ferðalagið mið af sónötunni." Það er stór hópur listamanna á sviðinu en leikhópinn skipa þrettán, þar af þrír tónlistarmenn. Rúnar segir allt rýmið í Hafnarfjarðarleikhúsinu undir. Móeiður Helgadóttir gerir leikmynd, Myrra Leifsdóttir búninga, Ásta Hafþórsdóttir gervi og Garðar Borgþórsson lýsingu. Tónlist er eftir Guðna Franzson sem flytur hana ásamt þeim Bryndísi Höllu Gylfadóttur og Daníel Þorsteinssyni. Leikhópinn skipa þau Árni Pétur Guðjónsson, Birna Hafstein, Erling Jóhannesson, Harpa Arnardóttir, Karl Guðmundsson, Ólafur Darri Ólafsson, Steinunn Knútsdóttir, Tómas Lemarquis, Hjálmar Hjálmarsson og Björn Ingi Hilmarsson. Stefnt er að sex sýningum í Hafnarfjarðarleikhúsinu en þar er nú þéttsetinn bekkurinn. Mikill skortur er á aðstöðu sjálfstæðra leikhópa um þessar mundir og segir Erling Jóhannesson hjá Hafnarfjarðarleikhúsinu mikla ásókn í sýningaraðstöðu í Firðinum og þar eru flokkar bókaðir inn eins þétt og mögulegt er. pbb@frettabladid.is
Mest lesið Vala Grand gengin út Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira