Ben Haim til City

Ísraelski landsliðsmaðurinn Tel Ben Haim gekk í dag í raðir Manchester City frá Chelsea. Ben Haim hefur skrifað undir fjögurra ára samning við City en kaupverðið var ekki gefið upp.

Þessi 26 ára gamli varnarmaður gekk í raðir Chelsea síðasta sumar frá Bolton, en fékk ekki mikið að spila undir stjórn Avram Grant.

Hann er annar Ísraelsmaðurinn í sögu City og fetar í fótspor Eyal Berkovic sem var í miklu uppáhaldi hjá stuðningsmönnum Manchester-liðsins á sínum tíma.