Gylfi svarar enn fyrir sig 26. mars 2009 15:09 Gylfi Arnbjörnsson, forseti ASÍ. Gylfi Arnbjörnsson forseti ASÍ hefur sent frá sér aðra yfirlýsingu í sambandi við starfslok Vígdísar Hauksdóttur lögfræðings hjá sambandinu. Nokkur umræða hefur skapast um starfslokin en Vigdís hefur sagt að sér hafi verið sagt upp störfum á grundvelli þess að hún sé í Framsóknarflokknum. Þá hefur verið sagt í fjölmiðlum að annar starfsmaður ASÍ, Magnús M. Norðdahl, hafi fengið launalaust leyfi til þess að sinna prófkjörsbaráttu hjá Samfylkingunni. Þetta segir Gylfi vera rangt. „Af gefnu tilefni vil ég taka fram að enginn starfsmaður ASÍ hefur óskað eftir launalausu leyfi vegna framboðs til Alþingis í vor," segir Gylfi. „Ljóst var að fram til þess að Vigdís Hauksdóttir tók að sér að leiða framboðslista Framsóknarmanna í Reykjavíkurkjördæmi suður þann 7. mars s.l. var Magnús M. Norðdahl eini starfsmaðurinn sem hafði gefið kost á sér í prófkjöri. Hann sóttist eftir sæti á lista Samfylkingarinnar í Suðvesturkjördæmi. Magnús óskaði hvorki eftir né fékk launalaust leyfi vegna þessa prófkjörsframboðs þar sem hann endaði í sjötta sæti." Gylfi segir rétt að taka fram að endanlegur framboðslisti Samfylkingarinnar í Suðvesturkjördæmi hefur enn ekki verið ákveðinn en fimm efstu sætin eru bindandi. „Ásakanir um að starfsmönnum á skrifstofu ASÍ sé mismunað á grundvelli pólitískra skoðana eru því algerlega úr lausu lofti gripnar. Ég harma að Vigdís hafi valið þessa leið til að vekja á sér athygli í aðdragandi kosninganna. Ég vísa því jafnframt alfarið á bug að nornaveiðar eða pólitískar ofsóknir eigi sér stað. Ef mér sem forseta eða samtökunum í heild væri í nöp við Framsóknarflokkinn hefðum við tæplega sett okkur í samband við Vigdísi af eigin frumkvæði s.l. haust og boðið henni starf sem lögfræðingur án þess að auglýsa starfið sérstaklega. Hvað þá að við hefðum samþykkt setu hennar í miðstjórn flokksins og í ýmsum stjórnum og ráðum á vegum hans." Gylfi segir að þvert á móti hafi henni verið talið það til tekna að hafa reynslu af félagslegu og pólitísku starfi. Það hafi enda sýnt sig strax í starfi hennar þá fimm mánuði sem hún vann hjá ASÍ, að það hafi verið rétt mat. „Ég tel að ég hafi lagt mig fram um að auðvelda Vigdísi að takast á við þá áskorun og það traust sem félagar hennar í Framsóknarflokknum sýndu henni. Við gerðum henni kleift að ganga frá öllum verkefnum og skyldum sem voru á hennar borði, eftir að hafa verið í þriggja vikna námsleyfi að mestum hluta á launum, til að hún gæti hindrunarlaust tekist á við þessa áskorun. Við vorum tilbúin til að halda málum opnum fyrir hana fram yfir kosningar, ef svo illa færi að henni tækist ekki ætlunarverk sitt að komast á þing. Þetta kom hins vegar einfaldlega aldrei til tals milli okkar, hvorki af hennar frumkvæði né mínu." Gylfi segist ennfremur ekki kannast við að hafa verið beðinn um launalaust leyfi og segir hann fullyrðingar um slíkt rangar. „Enn og aftur þá harma ég þessi málalok, en vil engu að síður óska Vigdísi velgengni í því erfiða verkefni sem hún hefur tekið að sér fyrir Framsóknarflokkinn," segir Gylfi Arnbjörnsson, forseti ASÍ að lokum. Mest lesið Lýsa yfir hættustigi Innlent Skákar Trump í skoðanakönnun Erlent Féllu ofan í jökullón Sólheimajökuls Innlent Hraunflæði það hratt að ekki yrði hlaupið undan því Innlent Siggi Kristins gítarleikari og bílaspekúlant er allur Innlent Trump kvartar formlega vegna yfirtöku Harris á sjóðum Biden Erlent Sagði Harris vanhæfa sökum barnleysis Erlent Myndband sýnir aðdraganda árásarinnar á Krít Innlent Segir tímabært að Ísland stokki spilin upp á nýtt Innlent Fráleitt að vernda glæpamenn frá eigin nafni Innlent Fleiri fréttir Þórarinn selur ekki sinn hlut í Búsæld Neyðarþyrluflug með ferðamann á Jökulfjörðum „vísir að misnotkun“ Þrettán vilja stýra ráðuneyti Svandísar Myndband sýnir aðdraganda árásarinnar á Krít Halla heimsótti Guðna Féllu ofan í jökullón Sólheimajökuls Lýsa yfir hættustigi Söngskólinn í Reykjavík leitar nýs húsnæðis Viðvarandi vætutíð og áfram rigning í kortunum „Auðvitað mjög margir sem eru óttaslegnir“ Arnar Þór íhugar að stofna stjórnmálaflokk Verðbólga eykst og áfram rigning í kortunum Kæra vararíkissaksóknara vegna ummæla um innflytjendur Siggi Kristins gítarleikari og bílaspekúlant er allur Hraunflæði það hratt að ekki yrði hlaupið undan því Erfðabreytileikar hafa áhrif á DNA metýleringu Segir tímabært að Ísland stokki spilin upp á nýtt Leiðindi í lyfjaverslun og æsingur í miðborginni Fráleitt að vernda glæpamenn frá eigin nafni Ekki æskilegt að hafa fólk í bænum Röng skilaboð að Yaris borgi það sama og stór jeppi Man ekki eftir öðru eins í sinni búskapartíð Gríðarlegir hagsmunir í húfi fyrir sjávarútveg að Skaginn 3X lifi Mikil hætta á gosi í Grindavík og óvissa í flugrekstri Geta ekki selt hús því ókunnugt fólk er með skráð lögheimili í því Aukin hætta á eldgosi innan bæjarmarka Grindavíkur Slapp með skrámur eftir veltu á Reykjanesbraut Gekk fram á sofandi ferðamann á heilsugæslunni Hlutfall nýnema sem útskrifast aldrei verið hærra Sóttu veikan göngumann á Hornstrandir Sjá meira
Gylfi Arnbjörnsson forseti ASÍ hefur sent frá sér aðra yfirlýsingu í sambandi við starfslok Vígdísar Hauksdóttur lögfræðings hjá sambandinu. Nokkur umræða hefur skapast um starfslokin en Vigdís hefur sagt að sér hafi verið sagt upp störfum á grundvelli þess að hún sé í Framsóknarflokknum. Þá hefur verið sagt í fjölmiðlum að annar starfsmaður ASÍ, Magnús M. Norðdahl, hafi fengið launalaust leyfi til þess að sinna prófkjörsbaráttu hjá Samfylkingunni. Þetta segir Gylfi vera rangt. „Af gefnu tilefni vil ég taka fram að enginn starfsmaður ASÍ hefur óskað eftir launalausu leyfi vegna framboðs til Alþingis í vor," segir Gylfi. „Ljóst var að fram til þess að Vigdís Hauksdóttir tók að sér að leiða framboðslista Framsóknarmanna í Reykjavíkurkjördæmi suður þann 7. mars s.l. var Magnús M. Norðdahl eini starfsmaðurinn sem hafði gefið kost á sér í prófkjöri. Hann sóttist eftir sæti á lista Samfylkingarinnar í Suðvesturkjördæmi. Magnús óskaði hvorki eftir né fékk launalaust leyfi vegna þessa prófkjörsframboðs þar sem hann endaði í sjötta sæti." Gylfi segir rétt að taka fram að endanlegur framboðslisti Samfylkingarinnar í Suðvesturkjördæmi hefur enn ekki verið ákveðinn en fimm efstu sætin eru bindandi. „Ásakanir um að starfsmönnum á skrifstofu ASÍ sé mismunað á grundvelli pólitískra skoðana eru því algerlega úr lausu lofti gripnar. Ég harma að Vigdís hafi valið þessa leið til að vekja á sér athygli í aðdragandi kosninganna. Ég vísa því jafnframt alfarið á bug að nornaveiðar eða pólitískar ofsóknir eigi sér stað. Ef mér sem forseta eða samtökunum í heild væri í nöp við Framsóknarflokkinn hefðum við tæplega sett okkur í samband við Vigdísi af eigin frumkvæði s.l. haust og boðið henni starf sem lögfræðingur án þess að auglýsa starfið sérstaklega. Hvað þá að við hefðum samþykkt setu hennar í miðstjórn flokksins og í ýmsum stjórnum og ráðum á vegum hans." Gylfi segir að þvert á móti hafi henni verið talið það til tekna að hafa reynslu af félagslegu og pólitísku starfi. Það hafi enda sýnt sig strax í starfi hennar þá fimm mánuði sem hún vann hjá ASÍ, að það hafi verið rétt mat. „Ég tel að ég hafi lagt mig fram um að auðvelda Vigdísi að takast á við þá áskorun og það traust sem félagar hennar í Framsóknarflokknum sýndu henni. Við gerðum henni kleift að ganga frá öllum verkefnum og skyldum sem voru á hennar borði, eftir að hafa verið í þriggja vikna námsleyfi að mestum hluta á launum, til að hún gæti hindrunarlaust tekist á við þessa áskorun. Við vorum tilbúin til að halda málum opnum fyrir hana fram yfir kosningar, ef svo illa færi að henni tækist ekki ætlunarverk sitt að komast á þing. Þetta kom hins vegar einfaldlega aldrei til tals milli okkar, hvorki af hennar frumkvæði né mínu." Gylfi segist ennfremur ekki kannast við að hafa verið beðinn um launalaust leyfi og segir hann fullyrðingar um slíkt rangar. „Enn og aftur þá harma ég þessi málalok, en vil engu að síður óska Vigdísi velgengni í því erfiða verkefni sem hún hefur tekið að sér fyrir Framsóknarflokkinn," segir Gylfi Arnbjörnsson, forseti ASÍ að lokum.
Mest lesið Lýsa yfir hættustigi Innlent Skákar Trump í skoðanakönnun Erlent Féllu ofan í jökullón Sólheimajökuls Innlent Hraunflæði það hratt að ekki yrði hlaupið undan því Innlent Siggi Kristins gítarleikari og bílaspekúlant er allur Innlent Trump kvartar formlega vegna yfirtöku Harris á sjóðum Biden Erlent Sagði Harris vanhæfa sökum barnleysis Erlent Myndband sýnir aðdraganda árásarinnar á Krít Innlent Segir tímabært að Ísland stokki spilin upp á nýtt Innlent Fráleitt að vernda glæpamenn frá eigin nafni Innlent Fleiri fréttir Þórarinn selur ekki sinn hlut í Búsæld Neyðarþyrluflug með ferðamann á Jökulfjörðum „vísir að misnotkun“ Þrettán vilja stýra ráðuneyti Svandísar Myndband sýnir aðdraganda árásarinnar á Krít Halla heimsótti Guðna Féllu ofan í jökullón Sólheimajökuls Lýsa yfir hættustigi Söngskólinn í Reykjavík leitar nýs húsnæðis Viðvarandi vætutíð og áfram rigning í kortunum „Auðvitað mjög margir sem eru óttaslegnir“ Arnar Þór íhugar að stofna stjórnmálaflokk Verðbólga eykst og áfram rigning í kortunum Kæra vararíkissaksóknara vegna ummæla um innflytjendur Siggi Kristins gítarleikari og bílaspekúlant er allur Hraunflæði það hratt að ekki yrði hlaupið undan því Erfðabreytileikar hafa áhrif á DNA metýleringu Segir tímabært að Ísland stokki spilin upp á nýtt Leiðindi í lyfjaverslun og æsingur í miðborginni Fráleitt að vernda glæpamenn frá eigin nafni Ekki æskilegt að hafa fólk í bænum Röng skilaboð að Yaris borgi það sama og stór jeppi Man ekki eftir öðru eins í sinni búskapartíð Gríðarlegir hagsmunir í húfi fyrir sjávarútveg að Skaginn 3X lifi Mikil hætta á gosi í Grindavík og óvissa í flugrekstri Geta ekki selt hús því ókunnugt fólk er með skráð lögheimili í því Aukin hætta á eldgosi innan bæjarmarka Grindavíkur Slapp með skrámur eftir veltu á Reykjanesbraut Gekk fram á sofandi ferðamann á heilsugæslunni Hlutfall nýnema sem útskrifast aldrei verið hærra Sóttu veikan göngumann á Hornstrandir Sjá meira