Góðir möguleikar á Grammy 7. febrúar 2009 05:00 Klarinettuleikarinn vonast til að sinfóníuhljómsveitin fái Grammy-verðlaunin annað kvöld. fréttablaðið/vilhelm Meðlimir Sinfóníuhljómsveitar Íslands, sem er tilnefnd til Grammy-verðlaunanna í ár, bíða nú spenntir eftir afhendingu þeirra í Los Angeles annað kvöld. Eins og komið hefur fram í Fréttablaðinu verður enginn fulltrúi hennar viðstaddur hátíðina en meðlimirnir láta það ekki á sig fá og ætla að fylgjast grannt með framvindu mála hér heima. Rúnar Óskarsson, klarinettuleikari og formaður starfsmannafélags hljómsveitarinnar, telur að hún eigi góðan möguleika á sigri. „Ef dómnefndin þarna úti hefur einhver fagleg sjónarmið í úrskurði sínum eigum við alveg jafna möguleika og hinir. Það er ekki hægt að afskrifa okkur," segir hann og telur að framkvæmdastjórinn Þröstur Ólafsson hafi verið helst til svartsýnn á sigur í grein Fréttablaðsins á miðvikudag. Rúnar segir að það yrði meiri háttar ef verðlaunin féllu í skaut sveitarinnar. „Það væri ótrúlegt fyrir hljómsveitina, ekki bara gagnvart okkur heldur líka til að sýna fram á að við erum alvöru hljómsveit. Þetta er þjóðarhljómsveit sem við eigum að vera stolt af." Hann bætir við að sinfóníuhljómsveitin hafi fengið byr í seglin að undanförnu því áhorfendafjöldinn hafi aukist mikið og stemningin sömuleiðis. „Áhorfendur standa upp og klappa oftar en þeir hafa gert. Okkur finnst vera meiri stemning, jafnvel líka út af þessum Grammy-verðlaunum." Vegna fjárskorts þurfti sinfóníu-hljómsveitin að hætta við fyrir-hugaða Japansferð sína eins og komið hefur fram. Af sömu ástæðum hefur Spánarferð, sem var plönuð í febrúar, einnig verið flautuð af. Til að bæta fyrir það verður árshátíð sveitarinnar hinn 28. febrúar haldin með sérstöku Spánarívafi. - fb Mest lesið Vala Grand gengin út Lífið Lil Curly og Brynja ekki lengur bara vinir Lífið Spjótin hætta ekki að beinast að Blake Lively Lífið Jökull í Kaleo í Glæstar vonir Bíó og sjónvarp Stórstjörnur og lúðrasveit í brúðkaupi Fanneyjar og Teits Lífið Brad Pitt stoppaði í hamborgara í Dalakofanum Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Meðlimir Sinfóníuhljómsveitar Íslands, sem er tilnefnd til Grammy-verðlaunanna í ár, bíða nú spenntir eftir afhendingu þeirra í Los Angeles annað kvöld. Eins og komið hefur fram í Fréttablaðinu verður enginn fulltrúi hennar viðstaddur hátíðina en meðlimirnir láta það ekki á sig fá og ætla að fylgjast grannt með framvindu mála hér heima. Rúnar Óskarsson, klarinettuleikari og formaður starfsmannafélags hljómsveitarinnar, telur að hún eigi góðan möguleika á sigri. „Ef dómnefndin þarna úti hefur einhver fagleg sjónarmið í úrskurði sínum eigum við alveg jafna möguleika og hinir. Það er ekki hægt að afskrifa okkur," segir hann og telur að framkvæmdastjórinn Þröstur Ólafsson hafi verið helst til svartsýnn á sigur í grein Fréttablaðsins á miðvikudag. Rúnar segir að það yrði meiri háttar ef verðlaunin féllu í skaut sveitarinnar. „Það væri ótrúlegt fyrir hljómsveitina, ekki bara gagnvart okkur heldur líka til að sýna fram á að við erum alvöru hljómsveit. Þetta er þjóðarhljómsveit sem við eigum að vera stolt af." Hann bætir við að sinfóníuhljómsveitin hafi fengið byr í seglin að undanförnu því áhorfendafjöldinn hafi aukist mikið og stemningin sömuleiðis. „Áhorfendur standa upp og klappa oftar en þeir hafa gert. Okkur finnst vera meiri stemning, jafnvel líka út af þessum Grammy-verðlaunum." Vegna fjárskorts þurfti sinfóníu-hljómsveitin að hætta við fyrir-hugaða Japansferð sína eins og komið hefur fram. Af sömu ástæðum hefur Spánarferð, sem var plönuð í febrúar, einnig verið flautuð af. Til að bæta fyrir það verður árshátíð sveitarinnar hinn 28. febrúar haldin með sérstöku Spánarívafi. - fb
Mest lesið Vala Grand gengin út Lífið Lil Curly og Brynja ekki lengur bara vinir Lífið Spjótin hætta ekki að beinast að Blake Lively Lífið Jökull í Kaleo í Glæstar vonir Bíó og sjónvarp Stórstjörnur og lúðrasveit í brúðkaupi Fanneyjar og Teits Lífið Brad Pitt stoppaði í hamborgara í Dalakofanum Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira