Hækkun á Asíumörkuðum

Hlutabréf á mörkuðum í Asíu hækkuðu í verði í morgun með aukinni trú fjárfesta á að nýjustu áætlanir Timothy Geitners, fjármálaráðherra Bandaríkjanna, gangi upp. þær snúast um að koma lánastarfsemi bankanna í eðlilegt horf með því að losa þá undan þeim skuldum sem íþyngja þeim hvað mest. Hækkunin í Asíu kemur í kjölfar mikillar hækkunar vestanhafs í gær þegar Nasdaq- og Dow Jones-vísitölurnar hækkuðu báðar um hátt í sjö prósent.