Fyrsta skemmtiferðaskip sumarsins lagðist að bryggju við Strandarbakka hér á Seyðisfirði í gær. Með skipinu eru rúmlega 500 farþegar.
Gestirnir fóru fyrst í Skálanes, menningar- og náttúrusetur sem stendur út við mynni Seyðisfjarðar. Þá var Borgarfjörður eystri sóttur heim þar sem farið var í gönguferðir um bæinn með leiðsögn.
Sumir völdu að fara ekki í skipulegar ferðir og gengu þess í stað um bæinn og náttúruna. - shá
