Guðjón skoraði sjö mörk úr átta tilraunum.
"Við erum alltaf að verða betri og betri," sagði Guðjón sem nýtti færin sín einkar vel í kvöld en í því labbaði Stefán "Uxi" Guðnason, markmaður Akureyrar framhjá og sagðist vera ósáttur með að hafa ekki varið víti frá Guðjóni í leiknum.
"Ég hef ekki varið frá þér síðan 2002 held ég," sagði Stefán og Guðjón glotti við tönn. "Gott mál."
Guðjón segir að planið hafi ekki verið flókið, að vinna. "Við hefðum þurft að nýta færin okkar betur. Við skutum mjög mikið beint á Bubba í markinu," sagði Guðjón.
Guðjón: Herslumuninn vantar
Guðjón Finnur Drengsson átti virkilega góðan leik fyrir Selfyssinga í kvöld en það dugði þó ekki til. Liðið tapaði með fimm mörkum norðan heiða fyrir Akureyri, 34-29.
