Hófleg víndrykkja dregur úr heilabilun á efri árum

Hófleg víndrykkja hjá fullorðnum virðist draga úr líkum á heilabilunum á efri árum, samkvæmt niðurstöðum nýrrar rannsóknar.

Séfræðingar eru margir sammála um að vaxandi bjórdrykkja og neysla léttvína á undanförnum árum sé verulegt áhyggjuefni hér á landi, en í dag hafa þegar um 7 prósent fullorðinna Íslendinga þurft að fara í áfengis- eða vímuefnameðferðar vegna misnotkunar á vímugjöfum. Þá eru allir sammála um afar skaðlega eiginleika óhóflegrar áfengisneyslu, en tölfræði á Vesturlöndum um aukið ofbeldi, líkamstjón í umferðinni og ýmis slys hefur öll verið hægt að rekja til aukningar í áfengisneyslu.

Lítil en dagleg drykkja áfengis virðist hins vegar minnka líkur á heilabilun og skerðingu á vitrænni getu ef marka má greinina sem birtist í nýjasta hefti Neuropsychiatric Disease and Treatment, en Vilhjálmur Ari Arason, heimilislæknir og klínískur dósent í heimilislækningum, fjallar um niðurstöður rannsóknarinnar á heimasíðu sinni.

Rannsóknin náði til niðurstaðna 143 fyrri rannsókna sem gerðar höfðu verið á áhrifum áfengis á heilann sem sem samsvarar neyslu undir 2 glösum á dag hjá körlum og einu glasi á daghjá konum. Þessar nýju niðurstöður sýndu minnkaðaðar líkur á að fá Alzheimers sjúkdóminn og aðrar heilabilanir um 23 prósent.

Vilhjálmur Ari segir að halda megi því fram að flest sé gott í hófi, að minnsta kosti hvað áfengi og heilann snerti. Hins vegar verði að hafa í huga það sem mestu máli skiptir, sem sé eðlileg örvunn á heilann, góð samskipti, gott mataræði og góð hreyfing.