Á annan tug mótmælenda drepnir í Líbýu

Talið er að á annan tug mótmælenda hafi látið lífið eftir mótmælin í Líbýu í gær og í nótt.

Þúsundir mótmæltu á götum Benghazi í gær en þeim var mætt af mikilli hörku lögreglusveita í borginni.

Mótmælin í gær voru kölluð „Dagur reiðinnar," en búist er við að þeim verði framhaldið í dag.

Bænastund múslima er í dag og kemur þá vanalega mikill mannfjöldi saman.

Mótmælin í Líbýu hafa staðið yfir síðan Hosni Mubarak sagði af sér í Egyptalandi í síðustu viku.