Tiger Woods búinn að næla sér í eina fjórtán árum yngri

Kvennabósinn og íþróttamaðurinn Tiger Woods var ekki lengi á lausu eftir að hafa gengið frá skilnaðarpappírunum við fyrrum eiginkonu sína fyrir nokkrum mánuðum síðan.

Hann hefur sést með ljóshærðri stúlku undanfarið og halda fjölmiðlar vestanhafs því fram að þau hafi verið kærustupar í nokkrar vikur. Stúlkan heitir Alyse Lahti Johnston og er tuttugu og tveggja ára gömul mær frá Ohio. Tiger Woods er 36 ára gamall og eru því 14 ár milli parsins.

Það ku hafa verið fósturfaðir stúlkunnar sem kynnti þau, en hann vinnur hjá umboðsskrifstofu golfarans.