Dó fimm sinnum í fimm sápuóperum á sama deginum

Kínverski leikarinn Law Lok Lam gæti hafa sett nýtt heimsmet í síðustu viku þegar hann lést fimm sinnum sama daginn í fimm mismunandi sápuóperum.

Leikarinn, sem er 63 ára gamall, er að fara á eftirlaun. Hann lék í fimm vinsælum sápuóperum í Hong Kong í Kína.

Eins og hefðin er þegar sápuóperuleikarar hætta eða eru reknir, þá deyja þeir í óperunum.

Allir þættirnir með andlátssenum leikarans voru sýndir sama sólarhringinn, því má segja að hann hafi dáið fimm sinnum sama daginn.