Pakistanar hefja rannsókn á veru Osama í landinu

Pakistanar ætla að hefja opinbera rannsókn á því hvernig stóð á því að hryðjuverkaleiðtoganum Osama Bin Laden tókst að dvelja í borginni Abbottabad í sex ár án þess að yfirvöld kæmust á snoðir um það. Forsætisráðherra landsins lýsti þessu yfir í þinghúsinu í Islamabad í dag.

Pakistanar hafa legið undir ámæli vegna málsins en ráðherrann tók skýrt fram að allar ásaknir um að háttsettir Pakistanar hefðu vitað af veru Bin Ladens í borginni væru fáránlegar.