Listakonan Sissú látin

Sigþrúður Pálsdóttir myndlistarmaður, jafnan kölluð Sissú, lést á líknardeild Landspítalans í Kópavogi á fimmtudag.

Sigþrúður var fædd í Reykjavík 22. nóvember 1954. Hún nam meðal annars við Bergenholtz Reklame Fagskole, Listaakademíuna í Kaupmannahöfn, Universita per Stranieri á Ítalíu, Art Students League of New York, School of Visual Arts.

Hún hélt um tuttugu einkasýningar auk fjölda samsýninga. Sigþrúður lætur eftir sig eina dóttur og fjögur barnabörn.