Pique tók sporið með Shakiru

Gerard Pique og fleiri leikmenn Barcelona stigu á svið á tónleikum með Shakiru í Barcelona í gærkvöldi.

Pique og félagar voru að fagna sigrinum á Manchester United í úrslitaleik Meistaradeildar Evrópu um helgina og bauð Pique leikmönnum Barcelona á tónleika kærustu sinnar, Shakiru.

Eins og sjá má í meðfylgjandi myndbandi fékk Shakira nokkra leikmenn til viðbótar upp á svið með sér. Hún reyndi síðan að kenna þeim nokkur dansspor, með misjöfnum árangri.