Segir ásakanir viðbjóðslegar

„Þetta er skammarlegt og viðbjóðslegt,“ sagði Silvio Berlusconi, forsætisráðherra Ítalíu, um málatilbúnað saksóknara gegn sér.

Saksóknarinn vill hraða réttar­höldum yfir Berlusconi, sem sakaður er um að hafa borgað sautján ára stúlku fyrir vændi og síðan misnotað vald sitt til að fá hana lausa úr haldi lögreglu, að því er virðist til að minnka líkurnar á því að vændiskaupin spyrðust út.

Dómari hefur tvær vikur til að ákveða hvort ákæra verði lögð fram eða málinu vísað frá.- gb