Fjórhjólamenn í ógöngum við Esjurætur

Tveir menn á fjórhjólum óskuðu eftir aðstoð björgunarsveita eftir að hafa fest hjólin úti í á, skammt frá Tröllafossi við Esjurætur undir kvöld í gær. Þeir óðu krapaða og ískalda ánna í land, og kólnaði mikið við það.

Félagi þeirra, sem var á vélsleða, lenti ekki í volkinu. Björgunarmenn komu þeim til aðstoðar og voru þeir hitaðir upp í sjúkrabíl, sem kom til móts við björgunarleiðangurinn, og varð þeim ekki meint af.

Björgunarmenn náðu svo hjólunum upp úr ánni.