Íslenskir hestar notaðir við tökur á Hobbitanum 19. október 2011 13:30 Útlit íslenska hestsins auk geðslags, styrks og ganglags varð til þess að hann varð fyrir valinu sem reiðskjóti dverganna í Hobbitanum. Mynd/Vilhelm Eigendur íslenskra hesta ættu að bíða spenntir eftir kvikmyndinni Hobbitanum sem kemur í kvikmyndahús í desember á næsta ári, enda munu hinir knáu klárar koma talsvert við sögu í myndinni. Þeir verða reiðskjótar dverganna á leiðinni frá Hobbitatúni til Myrkviðar. Þrettán íslenskir hestar eru notaðir við tökurnar. „Útlit íslenska hestsins, sem safnar þykkum vetrarfeldi um vetrarmánuðina, var eitt af því sem vakti áhuga kvikmyndagerðarmannanna," segir Cali Madincea hjá New Line Cinema sem framleiðir myndina. „Annar mikilvægur þáttur við íslenska hestinn er þrek hans og styrkur enda getur hann borið fullorðið fólk allt að 120 kílóum," segir hann og bætir við að töltið hafi einnig heillað. „Þessi mjúka gangtegund skilar þeim hratt áfram, sem hjálpar leikurunum í fullum herklæðum að halda í við Gandálf sem ríður á stórum hesti." Ekki er öllum gefið að halda hesti á tölti og því var eigandi íslenskra hesta á Nýja-Sjálandi fenginn á tökustað til að kenna leikurunum handtökin.Leikarinn Martin Freeman fer með hlutverk aðalsöguhetjunnar Bilbó Bagga.Tökurnar á kvikmyndinni Hobbitanum í leikstjórn Peters Jackson hófust í mars á þessu ári og er áætlað að þeim ljúki í desember. Myndin byggir á sögu J.R.R. Tolkien frá árinu 1937 og segir frá hobbitanum Bilbó Bagga sem heldur í leiðangur með vitkanum Gandálfi, dvergnum Þorni Eikinskjalda og tólf dvergum til viðbótar til Fjallsins eina þar sem þeir ætla sér að endurheimta fjársjóð úr höndum dreka að nafni Smeyginn. Sagan er forleikur að þríleik Peters Jackson um Hringadróttinssögu sem naut ómældra vinsælda um heim allan og var einnig að stórum hluta tekinn upp á Nýja-Sjálandi. Ætlunin var að notaðir yrðu fleiri íslenskir hestarnir við tökurnar en þar sem íslenskir hestar eru æði sjaldgæfir á Nýja-Sjálandi tókst aðeins smala saman þrettán sem hæfðu hlutverkinu. Aðeins fimmtán ár eru síðan fyrsti íslenski hesturinn var fluttur til Nýja-Sjálands. Nú er að finna þar í kringum hundrað slíka hesta en til samanburðar má nefna að á á Íslandi eru hestarnir um áttatíu þúsund talsins.Peter Jackson er leikstjóri stórmyndarinnar The Hobbit. Fyrri myndin af tveimur verður frumsýnd í desember á næsta ári.Nordicphotos/GettyÍslenski hesturinn er ekki í slæmum félagsskap í myndinni. Helstu stjörnur myndarinnar eru Martin Freeman sem leikur Bilbó og Richard Armitage sem leikur Þorin. Þá koma einnig fram nokkrar persónur sem fólk þekkir vel úr Hringadróttinssögu. Þar má nefna leikara á borð við Ian McKellen, Andy Serkis, Hugo Weaving, Cate Blanchett, Christopher Lee, Ian Holm, Elijah Wood og Orlando Bloom. Myndirnar um Hobbitann verða tvær, The Hobbit: An Unexpected Journey og The Hobbit: There and Back Again. Þær eru teknar upp samtímis og sýndar annars vegar 14. desember 2012 hins vegar og 13. desember 2013. solveig@frettabladid.is Mest lesið Neyðarþyrluflug með ferðamann á Jökulfjörðum „vísir að misnotkun“ Innlent „Mér líður eins og þeir hafi kúkað á leiðið“ Innlent Loftefni hrundi í húsi sem fæst ekki uppkeypt Innlent Lýsa yfir hættustigi Innlent Skákar Trump í skoðanakönnun Erlent Hraunflæði það hratt að ekki yrði hlaupið undan því Innlent Fráleitt að vernda glæpamenn frá eigin nafni Innlent Gekk fram á sofandi ferðamann á heilsugæslunni Innlent Lögreglubíll og pallbíll sennilega ónýtir eftir harðan árekstur Innlent Siggi Kristins gítarleikari og bílaspekúlant er allur Innlent Fleiri fréttir Fyrirvari fyrir næsta gos gæti verið nokkrar mínútur Kona grunuð um að verða sex ára syni sínum að bana sögð sakhæf „Okkur þykir mjög miður að þetta hafi gerst“ Öllu gríni fylgi alvara Um 100 manns frá Eþíópíu búa á Íslandi Lögreglubíll og pallbíll sennilega ónýtir eftir harðan árekstur Hættustig almannavarna og sögulegt ávarp Netanjahú Loftefni hrundi í húsi sem fæst ekki uppkeypt Reiðhjólamaður féll af kletti við Jökulsárgljúfur Færa börnin eftir að skemmdir í leikskólanum komu í ljós Þórarinn selur ekki sinn hlut í Búsæld Neyðarþyrluflug með ferðamann á Jökulfjörðum „vísir að misnotkun“ Þrettán vilja stýra ráðuneyti Svandísar Myndband sýnir aðdraganda árásarinnar á Krít Halla heimsótti Guðna Féllu ofan í jökullón Sólheimajökuls Lýsa yfir hættustigi Söngskólinn í Reykjavík leitar nýs húsnæðis Viðvarandi vætutíð og áfram rigning í kortunum „Auðvitað mjög margir sem eru óttaslegnir“ Arnar Þór íhugar að stofna stjórnmálaflokk Verðbólga eykst og áfram rigning í kortunum Kæra vararíkissaksóknara vegna ummæla um innflytjendur Siggi Kristins gítarleikari og bílaspekúlant er allur Hraunflæði það hratt að ekki yrði hlaupið undan því Erfðabreytileikar hafa áhrif á DNA metýleringu Segir tímabært að Ísland stokki spilin upp á nýtt Leiðindi í lyfjaverslun og æsingur í miðborginni Fráleitt að vernda glæpamenn frá eigin nafni Ekki æskilegt að hafa fólk í bænum Sjá meira
Eigendur íslenskra hesta ættu að bíða spenntir eftir kvikmyndinni Hobbitanum sem kemur í kvikmyndahús í desember á næsta ári, enda munu hinir knáu klárar koma talsvert við sögu í myndinni. Þeir verða reiðskjótar dverganna á leiðinni frá Hobbitatúni til Myrkviðar. Þrettán íslenskir hestar eru notaðir við tökurnar. „Útlit íslenska hestsins, sem safnar þykkum vetrarfeldi um vetrarmánuðina, var eitt af því sem vakti áhuga kvikmyndagerðarmannanna," segir Cali Madincea hjá New Line Cinema sem framleiðir myndina. „Annar mikilvægur þáttur við íslenska hestinn er þrek hans og styrkur enda getur hann borið fullorðið fólk allt að 120 kílóum," segir hann og bætir við að töltið hafi einnig heillað. „Þessi mjúka gangtegund skilar þeim hratt áfram, sem hjálpar leikurunum í fullum herklæðum að halda í við Gandálf sem ríður á stórum hesti." Ekki er öllum gefið að halda hesti á tölti og því var eigandi íslenskra hesta á Nýja-Sjálandi fenginn á tökustað til að kenna leikurunum handtökin.Leikarinn Martin Freeman fer með hlutverk aðalsöguhetjunnar Bilbó Bagga.Tökurnar á kvikmyndinni Hobbitanum í leikstjórn Peters Jackson hófust í mars á þessu ári og er áætlað að þeim ljúki í desember. Myndin byggir á sögu J.R.R. Tolkien frá árinu 1937 og segir frá hobbitanum Bilbó Bagga sem heldur í leiðangur með vitkanum Gandálfi, dvergnum Þorni Eikinskjalda og tólf dvergum til viðbótar til Fjallsins eina þar sem þeir ætla sér að endurheimta fjársjóð úr höndum dreka að nafni Smeyginn. Sagan er forleikur að þríleik Peters Jackson um Hringadróttinssögu sem naut ómældra vinsælda um heim allan og var einnig að stórum hluta tekinn upp á Nýja-Sjálandi. Ætlunin var að notaðir yrðu fleiri íslenskir hestarnir við tökurnar en þar sem íslenskir hestar eru æði sjaldgæfir á Nýja-Sjálandi tókst aðeins smala saman þrettán sem hæfðu hlutverkinu. Aðeins fimmtán ár eru síðan fyrsti íslenski hesturinn var fluttur til Nýja-Sjálands. Nú er að finna þar í kringum hundrað slíka hesta en til samanburðar má nefna að á á Íslandi eru hestarnir um áttatíu þúsund talsins.Peter Jackson er leikstjóri stórmyndarinnar The Hobbit. Fyrri myndin af tveimur verður frumsýnd í desember á næsta ári.Nordicphotos/GettyÍslenski hesturinn er ekki í slæmum félagsskap í myndinni. Helstu stjörnur myndarinnar eru Martin Freeman sem leikur Bilbó og Richard Armitage sem leikur Þorin. Þá koma einnig fram nokkrar persónur sem fólk þekkir vel úr Hringadróttinssögu. Þar má nefna leikara á borð við Ian McKellen, Andy Serkis, Hugo Weaving, Cate Blanchett, Christopher Lee, Ian Holm, Elijah Wood og Orlando Bloom. Myndirnar um Hobbitann verða tvær, The Hobbit: An Unexpected Journey og The Hobbit: There and Back Again. Þær eru teknar upp samtímis og sýndar annars vegar 14. desember 2012 hins vegar og 13. desember 2013. solveig@frettabladid.is
Mest lesið Neyðarþyrluflug með ferðamann á Jökulfjörðum „vísir að misnotkun“ Innlent „Mér líður eins og þeir hafi kúkað á leiðið“ Innlent Loftefni hrundi í húsi sem fæst ekki uppkeypt Innlent Lýsa yfir hættustigi Innlent Skákar Trump í skoðanakönnun Erlent Hraunflæði það hratt að ekki yrði hlaupið undan því Innlent Fráleitt að vernda glæpamenn frá eigin nafni Innlent Gekk fram á sofandi ferðamann á heilsugæslunni Innlent Lögreglubíll og pallbíll sennilega ónýtir eftir harðan árekstur Innlent Siggi Kristins gítarleikari og bílaspekúlant er allur Innlent Fleiri fréttir Fyrirvari fyrir næsta gos gæti verið nokkrar mínútur Kona grunuð um að verða sex ára syni sínum að bana sögð sakhæf „Okkur þykir mjög miður að þetta hafi gerst“ Öllu gríni fylgi alvara Um 100 manns frá Eþíópíu búa á Íslandi Lögreglubíll og pallbíll sennilega ónýtir eftir harðan árekstur Hættustig almannavarna og sögulegt ávarp Netanjahú Loftefni hrundi í húsi sem fæst ekki uppkeypt Reiðhjólamaður féll af kletti við Jökulsárgljúfur Færa börnin eftir að skemmdir í leikskólanum komu í ljós Þórarinn selur ekki sinn hlut í Búsæld Neyðarþyrluflug með ferðamann á Jökulfjörðum „vísir að misnotkun“ Þrettán vilja stýra ráðuneyti Svandísar Myndband sýnir aðdraganda árásarinnar á Krít Halla heimsótti Guðna Féllu ofan í jökullón Sólheimajökuls Lýsa yfir hættustigi Söngskólinn í Reykjavík leitar nýs húsnæðis Viðvarandi vætutíð og áfram rigning í kortunum „Auðvitað mjög margir sem eru óttaslegnir“ Arnar Þór íhugar að stofna stjórnmálaflokk Verðbólga eykst og áfram rigning í kortunum Kæra vararíkissaksóknara vegna ummæla um innflytjendur Siggi Kristins gítarleikari og bílaspekúlant er allur Hraunflæði það hratt að ekki yrði hlaupið undan því Erfðabreytileikar hafa áhrif á DNA metýleringu Segir tímabært að Ísland stokki spilin upp á nýtt Leiðindi í lyfjaverslun og æsingur í miðborginni Fráleitt að vernda glæpamenn frá eigin nafni Ekki æskilegt að hafa fólk í bænum Sjá meira