Lögregla leitar að brennuvörgum 13. júlí 2011 05:30 Jón Viðar Matthíasson vill helst ekki þurfa að mæta nokkru sinni aftur í Hringrás. Upptaka úr öryggismyndavél við fyrirtækið Hringrás við Klettagarða virðist sýna að hópur manna hafi í sameiningu kveikt í stórum dekkjahaug á lóð fyrirtækisins á þriðja tímanum aðfaranótt þriðjudags. Engan sakaði í eldsvoðanum. Allt tiltækt slökkvilið á höfuðborgarsvæðinu og aukamannskapur var kallaður út til að berjast við eldinn og tókst loksins að ráða niðurlögum hans um klukkan átta í morgun. Lögreglan fór yfir upptökur úr öryggismyndavélum í kjölfarið ásamt forsvarsmönnum Hringrásar. Samkvæmt heimildum Fréttablaðsins sést á þeim hvar bílar koma akandi upp að girðingunni umhverfis lóðina og nokkrir menn stíga út. Þeir aðhafast þar eitthvað í nokkra stund áður en einhverju sést kastað yfir girðinguna og í dekkjahauginn. Talið er að þar hafi verið um bensínsprengju að ræða. Mennirnir aka svo á brott í snatri og skömmu síðar er tilkynnt um eldinn. Það sem þykir renna stoðum undir að mennirnir hafi verið með eldfiman vökva meðferðis er að á grasbletti utan við girðinguna er sviðin jörð. Þar hefur einnig kviknað í, að því er talið er vegna þess að eldfimi vökvinn helltist niður. Mennirnir voru ófundnir í gærkvöldi. Stórbruni varð í dekkjahrúgu á sömu lóð árið 2004. Slökkvistarfið nú gekk talsvert betur. „Því miður fór reynslan frá því síðast í bankann, það hefði nú verið ágætt að vera laus við hana. En hún nýtist okkur núna,“ sagði Jón Viðar Matthíasson slökkviliðsstjóri þegar Fréttablaðið náði tali af honum á vettvangi í fyrrinótt. „Svo er líka búið að gera ákveðnar lagfæringar á svæðinu, steypa veggi sem hólfa þetta aðeins og það hjálpar til,“ segir Jón Viðar. Skilyrði fyrir því hversu mikið magn dekkja mátti geyma á lóðinni hafi alltaf verið fyrir hendi og nú hafi þau verið virt, en það sama var ekki uppi á teningnum 2004. Það varð íbúum í hverfinu til happs að vindáttin í fyrrinótt var hagstæð. Vindur úr suð-suðaustri gerði það að verkum að reykinn lagði á haf út, ólíkt því sem var árið 2004 þegar reykinn lagði að hluta yfir íbúðabyggð og rýma þurfti fjölda húsa. „Það væri skelfilegt ef mökkurinn færi yfir íbúðahverfi, að ég tali nú ekki um yfir á dvalarheimilið [Hrafnistu],“ sagði Jón Viðar á vettvangi. Reykurinn hafi að geyma eiturgufur sem fari mjög illa í fólk. „Það er hrikalega mikill skítur sem kemur úr þessum reyk. 2004 voru menn lengi að ná sér, voru að hósta þessu úr sér og voru veikir, bæði hjá okkur og lögreglunni, og voru frá í töluverðan tíma.“ Hann sagði jafnframt að á tímabili hefði verið hætta á að eldurinn bærist í nærliggjandi skemmur. Þótt eldurinn hafi verið slökktur í gærmorgun var slökkvilið þar að störfum í allan gærdag og var með vakt fram eftir gærkvöldinu enda þarf ekki miklar glæður til að eldur komi upp að nýju í erfiðum eldsmat eins og dekkjum og dekkjakurli. Við þetta má bæta að eldsvoðinn raskaði starfsemi nokkurra fyrirtækja við Sundahöfn í gær, meðal annars Eimskips, vegna mengunar.stigur@frettabladid.is thorunn@frettabladid.is Mest lesið Vandræðasaga Helga: Skortur á hommum, meint „kerlingartussa“ og Facebook-þumallinn Innlent Guðni um bílakaupin umdeildu: „Myndir þú kaupa bíl af svona fólki?“ Innlent Sagði Harris nýlega „orðna svarta“ Erlent Samkomulag í höfn við höfuðpaura hryðjuverkaárásanna 11. september Erlent Viðvörun gefin út vegna úlfs sem beit stúlku og drap púðluhund Erlent Besta veðrið um verslunarmannahelgina? Veður Yfir hundrað handteknir í óeirðum í Lundúnum Erlent Ók á mann og stakk af Innlent „Ég hef látið orð út úr mér sem hefðu átt að vera ósögð“ Innlent Sautján ára ákærður fyrir morðið á stúlkunum í Southport Erlent Fleiri fréttir Embættistaka, Covid-19 og hótanir í garð lögreglu Aukinn viðbúnaður til að bregðast við eggvopnaógn Rafbílar rétta aðeins úr kútnum eftir dýfu „Ég hef látið orð út úr mér sem hefðu átt að vera ósögð“ Fjórðungur landsmanna sótti símenntun í fyrra Íbúum með skráð lögheimili í Grindavík fækkað um tæpan þriðjung Vandræðasaga Helga: Skortur á hommum, meint „kerlingartussa“ og Facebook-þumallinn Ók á mann og stakk af Rangt að ráðuneytið hafi gefið út leiðbeiningar um kenninöfn Einn fluttur á sjúkrahús eftir bílveltu í Sjálandi Hefði horft á lokakvöldið hefði Hera Björk komist áfram Bíll hafnaði utan vegar í Hafnarfirði Guðni lítillátur þegar hann sagði að allt myndi bjargast án hans Allt klárt hjá lögreglu og sjálfboðaliðum fyrir þjóðhátíð Guðni um bílakaupin umdeildu: „Myndir þú kaupa bíl af svona fólki?“ Guðni kveður og skemmdarverk á grunnskóla Þrír fluttir með sjúkrabíl eftir árekstur Egill telur eitt og annað óljóst við bílatilboð Ástþórs „Þetta gekk ágætlega, takk fyrir mig“ Von á rúmlega þrjú hundruð gestum við embættistöku Höllu Styðja íþróttafólk og hvetja ríkið til að gera slíkt hið sama Þurfi að fylgja betur eftir reglum um byggð við sprungur Árekstur jepplings og fólksbíls á Vesturlandsvegi Embættistaka forseta, veðrið um helgina og skrýtnar gistináttatölur Hjólhýsi sem búið var í að engu orðið Ekki hrifin af breytingum og óskar Höllu velfarnaðar Skólastjóri Rimaskóla í áfalli Ástand vega á Íslandi mikið áhyggjuefni Verulega hvasst í Eyjum á laugardaginn Solaris misnoti kerfið til að hrekja Helga Magnús úr starfi Sjá meira
Upptaka úr öryggismyndavél við fyrirtækið Hringrás við Klettagarða virðist sýna að hópur manna hafi í sameiningu kveikt í stórum dekkjahaug á lóð fyrirtækisins á þriðja tímanum aðfaranótt þriðjudags. Engan sakaði í eldsvoðanum. Allt tiltækt slökkvilið á höfuðborgarsvæðinu og aukamannskapur var kallaður út til að berjast við eldinn og tókst loksins að ráða niðurlögum hans um klukkan átta í morgun. Lögreglan fór yfir upptökur úr öryggismyndavélum í kjölfarið ásamt forsvarsmönnum Hringrásar. Samkvæmt heimildum Fréttablaðsins sést á þeim hvar bílar koma akandi upp að girðingunni umhverfis lóðina og nokkrir menn stíga út. Þeir aðhafast þar eitthvað í nokkra stund áður en einhverju sést kastað yfir girðinguna og í dekkjahauginn. Talið er að þar hafi verið um bensínsprengju að ræða. Mennirnir aka svo á brott í snatri og skömmu síðar er tilkynnt um eldinn. Það sem þykir renna stoðum undir að mennirnir hafi verið með eldfiman vökva meðferðis er að á grasbletti utan við girðinguna er sviðin jörð. Þar hefur einnig kviknað í, að því er talið er vegna þess að eldfimi vökvinn helltist niður. Mennirnir voru ófundnir í gærkvöldi. Stórbruni varð í dekkjahrúgu á sömu lóð árið 2004. Slökkvistarfið nú gekk talsvert betur. „Því miður fór reynslan frá því síðast í bankann, það hefði nú verið ágætt að vera laus við hana. En hún nýtist okkur núna,“ sagði Jón Viðar Matthíasson slökkviliðsstjóri þegar Fréttablaðið náði tali af honum á vettvangi í fyrrinótt. „Svo er líka búið að gera ákveðnar lagfæringar á svæðinu, steypa veggi sem hólfa þetta aðeins og það hjálpar til,“ segir Jón Viðar. Skilyrði fyrir því hversu mikið magn dekkja mátti geyma á lóðinni hafi alltaf verið fyrir hendi og nú hafi þau verið virt, en það sama var ekki uppi á teningnum 2004. Það varð íbúum í hverfinu til happs að vindáttin í fyrrinótt var hagstæð. Vindur úr suð-suðaustri gerði það að verkum að reykinn lagði á haf út, ólíkt því sem var árið 2004 þegar reykinn lagði að hluta yfir íbúðabyggð og rýma þurfti fjölda húsa. „Það væri skelfilegt ef mökkurinn færi yfir íbúðahverfi, að ég tali nú ekki um yfir á dvalarheimilið [Hrafnistu],“ sagði Jón Viðar á vettvangi. Reykurinn hafi að geyma eiturgufur sem fari mjög illa í fólk. „Það er hrikalega mikill skítur sem kemur úr þessum reyk. 2004 voru menn lengi að ná sér, voru að hósta þessu úr sér og voru veikir, bæði hjá okkur og lögreglunni, og voru frá í töluverðan tíma.“ Hann sagði jafnframt að á tímabili hefði verið hætta á að eldurinn bærist í nærliggjandi skemmur. Þótt eldurinn hafi verið slökktur í gærmorgun var slökkvilið þar að störfum í allan gærdag og var með vakt fram eftir gærkvöldinu enda þarf ekki miklar glæður til að eldur komi upp að nýju í erfiðum eldsmat eins og dekkjum og dekkjakurli. Við þetta má bæta að eldsvoðinn raskaði starfsemi nokkurra fyrirtækja við Sundahöfn í gær, meðal annars Eimskips, vegna mengunar.stigur@frettabladid.is thorunn@frettabladid.is
Mest lesið Vandræðasaga Helga: Skortur á hommum, meint „kerlingartussa“ og Facebook-þumallinn Innlent Guðni um bílakaupin umdeildu: „Myndir þú kaupa bíl af svona fólki?“ Innlent Sagði Harris nýlega „orðna svarta“ Erlent Samkomulag í höfn við höfuðpaura hryðjuverkaárásanna 11. september Erlent Viðvörun gefin út vegna úlfs sem beit stúlku og drap púðluhund Erlent Besta veðrið um verslunarmannahelgina? Veður Yfir hundrað handteknir í óeirðum í Lundúnum Erlent Ók á mann og stakk af Innlent „Ég hef látið orð út úr mér sem hefðu átt að vera ósögð“ Innlent Sautján ára ákærður fyrir morðið á stúlkunum í Southport Erlent Fleiri fréttir Embættistaka, Covid-19 og hótanir í garð lögreglu Aukinn viðbúnaður til að bregðast við eggvopnaógn Rafbílar rétta aðeins úr kútnum eftir dýfu „Ég hef látið orð út úr mér sem hefðu átt að vera ósögð“ Fjórðungur landsmanna sótti símenntun í fyrra Íbúum með skráð lögheimili í Grindavík fækkað um tæpan þriðjung Vandræðasaga Helga: Skortur á hommum, meint „kerlingartussa“ og Facebook-þumallinn Ók á mann og stakk af Rangt að ráðuneytið hafi gefið út leiðbeiningar um kenninöfn Einn fluttur á sjúkrahús eftir bílveltu í Sjálandi Hefði horft á lokakvöldið hefði Hera Björk komist áfram Bíll hafnaði utan vegar í Hafnarfirði Guðni lítillátur þegar hann sagði að allt myndi bjargast án hans Allt klárt hjá lögreglu og sjálfboðaliðum fyrir þjóðhátíð Guðni um bílakaupin umdeildu: „Myndir þú kaupa bíl af svona fólki?“ Guðni kveður og skemmdarverk á grunnskóla Þrír fluttir með sjúkrabíl eftir árekstur Egill telur eitt og annað óljóst við bílatilboð Ástþórs „Þetta gekk ágætlega, takk fyrir mig“ Von á rúmlega þrjú hundruð gestum við embættistöku Höllu Styðja íþróttafólk og hvetja ríkið til að gera slíkt hið sama Þurfi að fylgja betur eftir reglum um byggð við sprungur Árekstur jepplings og fólksbíls á Vesturlandsvegi Embættistaka forseta, veðrið um helgina og skrýtnar gistináttatölur Hjólhýsi sem búið var í að engu orðið Ekki hrifin af breytingum og óskar Höllu velfarnaðar Skólastjóri Rimaskóla í áfalli Ástand vega á Íslandi mikið áhyggjuefni Verulega hvasst í Eyjum á laugardaginn Solaris misnoti kerfið til að hrekja Helga Magnús úr starfi Sjá meira