Enn í haldi lögreglunnar

Karlmaður sem handtekinn var í Grindavík í gær er enn í haldi lögreglunnar og verður yfirheyrður síðar í dag. Karlmaðurinn hafði í hótunum við föður sinn. Hann var ekki vopnaður, en lögreglan á Suðurnesjum fékk aðstoð frá sérsveit lögreglustjóra við að handtaka manninn.

Vegfarandi á Reykjanesbrautinni sagði í samtali við Vísi í gærkvöld að tveir sérsveitarbílar hefðu keyrt í átt að Grindavík um ellefuleytið á ógnarhraða og þá hafi nokkrir lögreglubílar einnig keyrt í áttina að Grindavík.