Maldini gæti aðstoðað ítalska landsliðið

Cesare Prandelli, landsliðsþjálfari Ítalíu, er afar spenntur fyrir því að fá gamla varnarmanninn, Paolo Maldini, í þjálfarateymið sitt.

Maldini lék yfir 100 landsleiki á sínum tíma og sjálfur hefur hann mikinn áhuga á því að taka þátt í spennandi fótboltaverkefni.

"Vonandi verður Maldini hluti af okkar teymi. Maldini kemur með reynslu, persónuleika og fleira inn í þennan hóp," sagði Prandelli.

"Maldini er táknmynd fyrir ítalska landsliðið víða um heim."