Fellihýsamenningin kveikti hugmyndina að þáttunum 5. september 2012 14:30 Hafsteinn Gunnar Sigurðsson og Huldar Breiðfjörð vinna að nýrri sjónvarpsþáttaröð. Fréttablaðið/Stefán „Þetta fjallar svolítið um þetta helvíti þegar fjölskyldur sem dagsdaglega eyða kannski litlum tíma saman eru settar í þær aðstæður að þurfa að eyða tíma saman og takast hvert á við annað,“ segir Hafsteinn Gunnar Sigurðsson. Hann hefur verið ráðinn til að leikstýra sinni fyrstu sjónvarpsþáttaröð, Helvítis Ísland, eftir handriti Huldars Breiðfjörð. Þáttaröðin verður framleidd af Sagafilm og eru samningaviðræður í gangi um að Sjónvarpið sýni hana. Um er að ræða mannlega dramatíska kómedíu um fjölskyldu sem ferðast um landið að undirlagi fjölskylduföðurins í von um að bjarga hjónabandinu. Huldar segist hafa fengið hugmyndina eftir að hafa á ferðalögum sínum um landið fylgst með hjólahýsa- og fellihýsamenningunni sem hefur verið að skapast hérlendis. „Það fór að rifjast upp fyrir mér hvers konar álag getur orðið þegar maður þarf að sitja í bíl og tilheyra fjölskyldu í jafnþröngu rými og láta allt virka.“ Enn á eftir að ráða leikara í þættina en tökur eru áætlaðar næsta sumar. Hafsteinn Gunnar sló í gegn með sinni fyrstu mynd, Á annan veg, sem kom út í fyrra og fjallaði um tvo vegagerðarmenn uppi á hálendi. Bandaríska kvikmyndabiblían Variety hrósaði myndinni og sagði Hafstein hæfileikamann sem kvikmyndaáhugafólk ætti að fylgjast vel með í framtíðinni. Hafsteinn og Huldar kynntust er þeir voru báðir í kvikmyndanámi í New York. Þeir eru einnig með kvikmynd í bígerð sem heitir Kalt vor og verður tekin upp á næsta ári eftir að tökum á Helvítis Íslandi lýkur. „Það er einnig dramatísk kómedía sem fjallar um samband feðga og gerist í litlu þorpi á Vestfjörðum. Það er voða fínt að vinna með Huldari. Við erum góðir vinir og svo deilum við svipaðri sýn á hlutina. Hann er frábær höfundur og okkur langar að gera fleiri verkefni saman,“ segir Hafsteinn og Huldar bætir við: „Þetta er í fyrsta skipti sem ég skrifa sjónvarpsseríu. Okkur langaði að prófa þetta og það hefur verið ansi gaman að vinna inni í því.“ freyr@frettabladid.is Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Brad Pitt stoppaði í hamborgara í Dalakofanum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Stjörnulífið: Stjörnubrúðkaup og Áslaug Arna í golfi Lífið Spjótin hætta ekki að beinast að Blake Lively Lífið Frægir kynnar á ráðstefnu Demókrata Lífið Stórstjörnur og lúðrasveit í brúðkaupi Fanneyjar og Teits Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
„Þetta fjallar svolítið um þetta helvíti þegar fjölskyldur sem dagsdaglega eyða kannski litlum tíma saman eru settar í þær aðstæður að þurfa að eyða tíma saman og takast hvert á við annað,“ segir Hafsteinn Gunnar Sigurðsson. Hann hefur verið ráðinn til að leikstýra sinni fyrstu sjónvarpsþáttaröð, Helvítis Ísland, eftir handriti Huldars Breiðfjörð. Þáttaröðin verður framleidd af Sagafilm og eru samningaviðræður í gangi um að Sjónvarpið sýni hana. Um er að ræða mannlega dramatíska kómedíu um fjölskyldu sem ferðast um landið að undirlagi fjölskylduföðurins í von um að bjarga hjónabandinu. Huldar segist hafa fengið hugmyndina eftir að hafa á ferðalögum sínum um landið fylgst með hjólahýsa- og fellihýsamenningunni sem hefur verið að skapast hérlendis. „Það fór að rifjast upp fyrir mér hvers konar álag getur orðið þegar maður þarf að sitja í bíl og tilheyra fjölskyldu í jafnþröngu rými og láta allt virka.“ Enn á eftir að ráða leikara í þættina en tökur eru áætlaðar næsta sumar. Hafsteinn Gunnar sló í gegn með sinni fyrstu mynd, Á annan veg, sem kom út í fyrra og fjallaði um tvo vegagerðarmenn uppi á hálendi. Bandaríska kvikmyndabiblían Variety hrósaði myndinni og sagði Hafstein hæfileikamann sem kvikmyndaáhugafólk ætti að fylgjast vel með í framtíðinni. Hafsteinn og Huldar kynntust er þeir voru báðir í kvikmyndanámi í New York. Þeir eru einnig með kvikmynd í bígerð sem heitir Kalt vor og verður tekin upp á næsta ári eftir að tökum á Helvítis Íslandi lýkur. „Það er einnig dramatísk kómedía sem fjallar um samband feðga og gerist í litlu þorpi á Vestfjörðum. Það er voða fínt að vinna með Huldari. Við erum góðir vinir og svo deilum við svipaðri sýn á hlutina. Hann er frábær höfundur og okkur langar að gera fleiri verkefni saman,“ segir Hafsteinn og Huldar bætir við: „Þetta er í fyrsta skipti sem ég skrifa sjónvarpsseríu. Okkur langaði að prófa þetta og það hefur verið ansi gaman að vinna inni í því.“ freyr@frettabladid.is
Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Brad Pitt stoppaði í hamborgara í Dalakofanum Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Segist standa með Helga Magnúsi gegn hótunum Lífið Fjögur börn og trúlofun hjá Evu Dögg Lífið Stjörnulífið: Stjörnubrúðkaup og Áslaug Arna í golfi Lífið Spjótin hætta ekki að beinast að Blake Lively Lífið Frægir kynnar á ráðstefnu Demókrata Lífið Stórstjörnur og lúðrasveit í brúðkaupi Fanneyjar og Teits Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira