Mark Hjálmars dugði ekki til sigurs

Fimm Íslendingar voru í eldlínunni í sænsku úrvalsdeildinni í kvöld. Einn þeirra náði að skora en það var Hjálmar Jónsson hjá Gautaborg.

Hann skoraði eina mark IFK Göteborg í 1-1 jafnteflisleik gegn AIK.

Skúli Jón Friðgeirsson spilaði síðustu 12 mínúturnar fyrir Elfsborg í 2-0 sigri á Norrköping. Gunnar Heiðar Þorvaldsson lék fyrstu 80 mínúturnar fyrir Norrköping.

Ari Freyr Skúlason var síðan í byrjunarliði Sundsvall og lék allan leikinn í 4-0 sigri á Syrianska.