Fá formúu fyrir að setjast á fremsta bekk 11. mars 2012 14:00 Ætli Michelle Williams, Elisabeth Olsen og Lana Del Rey hafi fengið borgað fyrir að sitja og fylgjast með sýningu Mulberry á tískuvikunni í London. Stjörnurnar hafa flykkst milli borga á borð við New York, London, Mílanó og París til að dást að komandi hausttísku en nú hefur komið í ljós að flestar þeirra þiggja laun fyrir að setjast á hinn fræga fremsta bekk. „Þetta er mjög ófagmannlegt. Ég hef aldrei og ætla aldrei að borga frægu fólki fyrir að mæta á sýninguna mína," segir fatahönnuðurinn Nicole Fahri í viðtali við tímaritið Stella, fylgiblað The Sunday Telegraph. Fahri er sú fyrsta sem talar opinskátt um þá venju tískuhúsanna að borga frægum gestum fyrir það eitt að mæta á sýningar hjá þeim og sitja á fremsta bekk, en hún er allt annað en sátt við þetta fyrirkomulag. Fahri vill meina að þetta sé vond þróun í tískuheiminum og að áherslan á stjörnurnar dragi athygli frá því sem á að skipta máli á tískusýningunum, fatnaðinum sjálfum. „Hvað er það sem við sjáum í blöðunum daginn eftir sýningar? Fullt af fréttum um það hverjir sátu á fremsta bekk en ekkert um sjálf fötin sem eru á sýningunni. Ég veit að margir eiga eftir að hata mig fyrir að ljóstra þessu upp en mér er sama. Þetta er vandamál." Í Bandaríkjunum er það mjög algengt að tískuhúsin bjóði fræga fólkinu á sýningarnar sínar, samkvæmt heimildum The Sunday Telegraph. Það telst góð leið til að tryggja umfjöllun enda eru stjörnurnar oftast eltar á röndum af ljósmyndurum. Tískuhúsin eru þá að borga allt frá flugferðum upp í fullt uppihald svo sem hótelkostnað, fatnaðinn sem viðkomandi klæðist á sýningunni og matarkostnað ásamt ríflegum greiðslum. Stjörnur á borð við Michelle Williams, Aliciu Keys, P.Diddy og Kanye West, sem eru tíðir gestir á tískuvikunum, eru því hugsanlega að græða á því að sitja í fremstu röð. Ekki er vitað hvaða tískuhús eða hönnuðir borga fyrir aðdáendur sína en margir beita greinilega ýmsum brögðum til að lokka til sín fræg andlit og fleiri ljósmyndara. alfrun@frettabladid.is Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Sunneva og Tanja ræða lýtaaðgerðirnar sínar Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Stjörnurnar hafa flykkst milli borga á borð við New York, London, Mílanó og París til að dást að komandi hausttísku en nú hefur komið í ljós að flestar þeirra þiggja laun fyrir að setjast á hinn fræga fremsta bekk. „Þetta er mjög ófagmannlegt. Ég hef aldrei og ætla aldrei að borga frægu fólki fyrir að mæta á sýninguna mína," segir fatahönnuðurinn Nicole Fahri í viðtali við tímaritið Stella, fylgiblað The Sunday Telegraph. Fahri er sú fyrsta sem talar opinskátt um þá venju tískuhúsanna að borga frægum gestum fyrir það eitt að mæta á sýningar hjá þeim og sitja á fremsta bekk, en hún er allt annað en sátt við þetta fyrirkomulag. Fahri vill meina að þetta sé vond þróun í tískuheiminum og að áherslan á stjörnurnar dragi athygli frá því sem á að skipta máli á tískusýningunum, fatnaðinum sjálfum. „Hvað er það sem við sjáum í blöðunum daginn eftir sýningar? Fullt af fréttum um það hverjir sátu á fremsta bekk en ekkert um sjálf fötin sem eru á sýningunni. Ég veit að margir eiga eftir að hata mig fyrir að ljóstra þessu upp en mér er sama. Þetta er vandamál." Í Bandaríkjunum er það mjög algengt að tískuhúsin bjóði fræga fólkinu á sýningarnar sínar, samkvæmt heimildum The Sunday Telegraph. Það telst góð leið til að tryggja umfjöllun enda eru stjörnurnar oftast eltar á röndum af ljósmyndurum. Tískuhúsin eru þá að borga allt frá flugferðum upp í fullt uppihald svo sem hótelkostnað, fatnaðinn sem viðkomandi klæðist á sýningunni og matarkostnað ásamt ríflegum greiðslum. Stjörnur á borð við Michelle Williams, Aliciu Keys, P.Diddy og Kanye West, sem eru tíðir gestir á tískuvikunum, eru því hugsanlega að græða á því að sitja í fremstu röð. Ekki er vitað hvaða tískuhús eða hönnuðir borga fyrir aðdáendur sína en margir beita greinilega ýmsum brögðum til að lokka til sín fræg andlit og fleiri ljósmyndara. alfrun@frettabladid.is
Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið „Þetta er enginn helvítis félagskvíði, það bara þolir mig enginn“ Áskorun Sunneva og Tanja ræða lýtaaðgerðirnar sínar Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira