Róbert þarf að borga Björgólfi 2,4 milljarða 13. mars 2012 06:30 Björgólfur og Róbert voru nánir viðskiptafélagar á árum áður. Hér eru þeir saman á ársfundi Actavis árið 2007. Fréttablaðið/anton Róbert Wessman dæmdur til að greiða félagi Björgólfs Thors Björgólfssonar jafnvirði 2,4 milljarða. Félög Björgólfs skulda Róberti á móti rúma sex milljarða en Björgólfur segir þau hins vegar eignalaus. Björgólfur talaði af sér í bloggfærslu. Róbert Wessman, fyrrverandi forstjóri Actavis, þarf að greiða eignarhaldsfélagi Björgólfs Thors Björgólfssonar jafnvirði um 2,4 milljarða króna samkvæmt dómi sem féll í Héraðsdómi Reykjavíkur á miðvikudag. Sama dag féll annar dómur í deilu þessara áður nánu samstarfsmanna og niðurstaða hans er sú að tveimur félögum Björgólfs ber að greiða Róbert jafnvirði rúmra sex milljarða króna. Ef marka má fullyrðingar Björgólfs eru félögin hins vegar svo til eignalaus. Róbert og Björgólfur hafa deilt fyrir dómstólum í hálft annað ár, annars vegar um árangursþóknun sem Róbert taldi sig eiga inni hjá félögum Björgólfs frá því að hann var forstjóri Actavis og hins vegar um skuld sem Björgólfur taldi sig eiga hjá Róberti. Fyrrnefnda málið snýst um klausu í samningi sem Róbert gerði við Björgólf þegar hann keypti tólf prósenta hlut í móðurfélagi Actavis, Novator Pharma, árið 2007. Klausan kvað á um að Róbert skyldi fá fjörutíu milljóna evra áhættuþóknun fyrir árslok 2009, að því gefnu að hann væri enn að störfum hjá Actavis eða hefði verið sagt upp án tilefnis. Þar af átti að vera hægt að nota tíu milljónir í beint skuldauppgjör Róberts við Björgólf og tengd félög. Í ágúst 2009 fékk Róbert tölvupóst frá Björgólfi þar sem sagði að Actavis væri yfirskuldsett, gæti ekki greitt af lánum sínum og því væri ekkert eigið fé eftir „í strúktúrnum". Þess vegna væri mjög ólíklegt að Novator Pharma og móðurfélag þess, Novator Pharma Holding, gæti staðið við að greiða áhættuþóknunina. Róbert fór með málið fyrir dóm og krafðist efnda, en Björgólfur greip til varna með ýmsum rökum, meðal annars þeim að Róbert hefði hætt störfum fyrr en samkomulagið kvað á um, í sátt við Björgólf, og það hafi því ekki verið án tilefnis. Í millitíðinni hafði Björgólfur hins vegar lýst því yfir á vefsíðu sinni að hann hefði rekið Róbert frá Actavis, og hann staðfesti þann skilning sinn fyrir dómi. Þetta, og fleira, leiðir til þess að dómurinn telur samkomulagið enn í gildi og félögin, sem Björgólfur segir eignalaus, skulda Róberti þrjátíu milljónir evra. Það, ásamt dráttarvöxtum, jafngildir á sjöunda milljarð króna. Síðara málið snýst um ríflega sjö milljóna evra lán sem félagið BeeTeeBee Ltd. á Bresku Jómfrúareyjunum, í eigu Björgólfs, veitti eignarhaldsfélagi Róberts í mars 2005. Róbert gekkst síðar í persónulega ábyrgð fyrir láninu. Róbert taldi að þeirri kröfu hefði þegar verið skuldajafnað í samræmi við ákvæði samkomulagsins sem fjallað er um í hinu málinu, en dómurinn segir ekkert liggja fyrir um að svo hafi verið. Því skuldi Róbert BeeTeeBee 7,7 milljónir evra, sem með þrjátíu prósenta umsömdum dráttarvöxtum jafngildir nú um 2,4 milljörðum króna. stigur@frettabladid.is Mest lesið Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Hugmyndir fyrir tómlega vinnustaði og leiðinlega vinnudaga Atvinnulíf „Við erum ekki að fara að vinna“ Neytendur Ódýrara að velja erlenda gjaldmiðilinn í posum erlendis Neytendur Stærstu fyrirtækin orðið af 747 milljörðum Viðskipti erlent Horfurnar versna hjá Play sem kippir afkomuspá úr gildi Neytendur Fleiri fréttir Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Sjá meira
Róbert Wessman dæmdur til að greiða félagi Björgólfs Thors Björgólfssonar jafnvirði 2,4 milljarða. Félög Björgólfs skulda Róberti á móti rúma sex milljarða en Björgólfur segir þau hins vegar eignalaus. Björgólfur talaði af sér í bloggfærslu. Róbert Wessman, fyrrverandi forstjóri Actavis, þarf að greiða eignarhaldsfélagi Björgólfs Thors Björgólfssonar jafnvirði um 2,4 milljarða króna samkvæmt dómi sem féll í Héraðsdómi Reykjavíkur á miðvikudag. Sama dag féll annar dómur í deilu þessara áður nánu samstarfsmanna og niðurstaða hans er sú að tveimur félögum Björgólfs ber að greiða Róbert jafnvirði rúmra sex milljarða króna. Ef marka má fullyrðingar Björgólfs eru félögin hins vegar svo til eignalaus. Róbert og Björgólfur hafa deilt fyrir dómstólum í hálft annað ár, annars vegar um árangursþóknun sem Róbert taldi sig eiga inni hjá félögum Björgólfs frá því að hann var forstjóri Actavis og hins vegar um skuld sem Björgólfur taldi sig eiga hjá Róberti. Fyrrnefnda málið snýst um klausu í samningi sem Róbert gerði við Björgólf þegar hann keypti tólf prósenta hlut í móðurfélagi Actavis, Novator Pharma, árið 2007. Klausan kvað á um að Róbert skyldi fá fjörutíu milljóna evra áhættuþóknun fyrir árslok 2009, að því gefnu að hann væri enn að störfum hjá Actavis eða hefði verið sagt upp án tilefnis. Þar af átti að vera hægt að nota tíu milljónir í beint skuldauppgjör Róberts við Björgólf og tengd félög. Í ágúst 2009 fékk Róbert tölvupóst frá Björgólfi þar sem sagði að Actavis væri yfirskuldsett, gæti ekki greitt af lánum sínum og því væri ekkert eigið fé eftir „í strúktúrnum". Þess vegna væri mjög ólíklegt að Novator Pharma og móðurfélag þess, Novator Pharma Holding, gæti staðið við að greiða áhættuþóknunina. Róbert fór með málið fyrir dóm og krafðist efnda, en Björgólfur greip til varna með ýmsum rökum, meðal annars þeim að Róbert hefði hætt störfum fyrr en samkomulagið kvað á um, í sátt við Björgólf, og það hafi því ekki verið án tilefnis. Í millitíðinni hafði Björgólfur hins vegar lýst því yfir á vefsíðu sinni að hann hefði rekið Róbert frá Actavis, og hann staðfesti þann skilning sinn fyrir dómi. Þetta, og fleira, leiðir til þess að dómurinn telur samkomulagið enn í gildi og félögin, sem Björgólfur segir eignalaus, skulda Róberti þrjátíu milljónir evra. Það, ásamt dráttarvöxtum, jafngildir á sjöunda milljarð króna. Síðara málið snýst um ríflega sjö milljóna evra lán sem félagið BeeTeeBee Ltd. á Bresku Jómfrúareyjunum, í eigu Björgólfs, veitti eignarhaldsfélagi Róberts í mars 2005. Róbert gekkst síðar í persónulega ábyrgð fyrir láninu. Róbert taldi að þeirri kröfu hefði þegar verið skuldajafnað í samræmi við ákvæði samkomulagsins sem fjallað er um í hinu málinu, en dómurinn segir ekkert liggja fyrir um að svo hafi verið. Því skuldi Róbert BeeTeeBee 7,7 milljónir evra, sem með þrjátíu prósenta umsömdum dráttarvöxtum jafngildir nú um 2,4 milljörðum króna. stigur@frettabladid.is
Mest lesið Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Hugmyndir fyrir tómlega vinnustaði og leiðinlega vinnudaga Atvinnulíf „Við erum ekki að fara að vinna“ Neytendur Ódýrara að velja erlenda gjaldmiðilinn í posum erlendis Neytendur Stærstu fyrirtækin orðið af 747 milljörðum Viðskipti erlent Horfurnar versna hjá Play sem kippir afkomuspá úr gildi Neytendur Fleiri fréttir Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Sjá meira