Þörungar geta leyst af innflutt eldsneyti 3. apríl 2012 08:00 Vaxtarhraði og nálægð við vinnslu segir Ásbjörn gera þörunga mun álitlegri kost við framleiðslu á lífeldsneyti en ræktun í landi. Fréttablaðið/GVA Lífeldsneyti má framleiða úr þörungum í slíku magni að komi í staðinn fyrir innflutt eldsneyti. Orkusparandi ljósdíóðutækni og aðgangur að jarðhita gera aðstæður hér til framleiðslunnar einstakar. Hægt væri að flytja út lífeldsneyti. Sérstakar aðstæður hér á landi gætu gert hagkvæma framleiðslu lífeldsneytis úr stórþörungum, eða þangi. Að sögn Ásbjörns Torfasonar, framkvæmdastjóra Vistvænnar orku ehf. gæti eldsneyti sem framleitt væri með þessum hætti komið í stað alls innflutts eldsneytis og er því eftir nokkru að slægjast. „Ísland gæti meira að segja komist í þá stöðu að flytja út eldsneyti sem framleitt væri hér innanlands,“ segir hann. Fyrirtækið hyggur á sýnatöku í sumar þar sem leitað verður að hentugum svæðum til þörungaræktunarinnar. „Við auglýstum eftir líffræðingum í þessa vinnu og höfum fengið margar góðar umsóknir frá mjög hæfu fólki,“ segir Ásbjörn. Í framhaldinu væri svo hægt að hefja tilraunaræktun á hafi úti á völdum stöðum á landinu. Erlendis eru hafnar tilraunir með vinnslu á lífeldsneyti úr þörungum, svo sem hjá fyrirtækjum á borð við Statoil, DuPont og Novozymes. Skortur á hentugum svæðum hamlar hins vegar ræktun og nýtingu ytra, sem og aðgangur að orkukostum til eftirvinnslu þar sem hitaskiljun yrði notuð til að vinna lífeldsneyti úr þörungunum. Hér segir Ásbjörn ýmsa ákjósanlega staði þar sem setja mætti upp verksmiðju í nágrenni þörungaræktunarinnar. Til dæmis mætti horfa til jarðvarmavirkjana á Reykjanesi, sem og á Norðurlandi, á Þeistareykjum og við Kröflu. Vænlegasta kostinn telur Ásbjörn að tengja framleiðsluna við þann mikla hita sem fá mætti með djúpborunarverkefnum, en einnig væri hægt að nýta fyrirliggjandi aðstöðu til framleiðslu við lægra hitastig. Úr þaranum er hægt að framleiða nokkrar tegundir af eldsneyti, svo sem lífgas, bioetanól og svo biobutanól sem sé mjög líkt bensíni. Síðan megi líka hafa not af hliðarafurðum framleiðslunnar og nota til dæmis í dýrafóður eða sem áburð. Vistvæn orka hefur náð árangri með þróun á ljósdíóðutækni sem notuð er við lýsingu í gróðurhúsum við margvíslega ræktun. Með tækninni hefur verið hægt að draga verulega úr orkunotkun við ræktunina, eða um helming eða meira miðað við hefðbundna lampa sem notaðir eru við ræktunina. Þessa tækni segir Ásbjörn svo lykilinn að árangri sem ná megi í þörungaræktun. „Hún er þessi litla þúfa sem veltir þessu þunga hlassi,“ en tilraunir fyrirtækisins við þararæktun hófust þegar erlent stórfyrirtæki í fiskeldi leitaði til Vistvænnar orku um lýsingu fyrir ungplöntur. Hér heima hefur fyrirtækið þegar, í samstarfi við Nýsköpunarmiðstöð Íslands og Atvinnuþróunarfélag Norðurlands, hafið tilraunir með ræktun á Reykjum í Ölfusi í gróðurhúsi Landbúnaðarháskóla Íslands. „Á því stigi framleiðum við ungplöntur,“ segir Ásbjörn, en þegar þær hafa náð þeirri stærð að þær þola flutning þá eru plönturnar fluttar í sjó þar sem þær fá bæði næringu og sólarljós. Með þeirri tækni sem Vistvæn orka hefur þróað við framleiðslu á ungplöntunum er hægt að framleiða mjög mikið magn af þörungum og tryggja þannig þá magnuppskeru sem þarf úr sjó til að standa undir framleiðslunni. Miðað við það magn af eldsneyti sem flutt var til landsins árið 2011 segir Ásbjörn að miðað við norska útreikninga þyrfti tvær milljónir tonna af lífmassa til að framleiða samsvarandi magn af lífeldsneyti. „En það er algjörlega raunhæft að rækta þetta í þessu magni,“ segir hann og vísar til þess að erlendis sé þegar í gangi stórfelld stórþörungaframleiðsla, bæði til framleiðslu á lífgasi og svo jafnvel til manneldis líka. „Í tilraun í Noregi voru menn að fá svona 40 til 50 tonn af þurrvigt úr hverjum hektara.“ olikr@frettabladid.is Mest lesið Kosningavaktin: Íslendingar ganga að kjörborðinu Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent „Þetta er nákvæmlega það sem ég á að vera að gera“ Innlent Nokkrir foreldrar sóttu börn á lögreglustöð Innlent Grunaður um alvarlega líkamsárás gegn fyrrverandi sambýliskonu Innlent Vistmaður og starfsmaður Stuðla fluttir á bráðamóttöku Innlent Fluttur á spítala vegna alvarlegs efnabruna af völdum ætandi efnis Innlent Fleiri fréttir Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Sjá meira
Lífeldsneyti má framleiða úr þörungum í slíku magni að komi í staðinn fyrir innflutt eldsneyti. Orkusparandi ljósdíóðutækni og aðgangur að jarðhita gera aðstæður hér til framleiðslunnar einstakar. Hægt væri að flytja út lífeldsneyti. Sérstakar aðstæður hér á landi gætu gert hagkvæma framleiðslu lífeldsneytis úr stórþörungum, eða þangi. Að sögn Ásbjörns Torfasonar, framkvæmdastjóra Vistvænnar orku ehf. gæti eldsneyti sem framleitt væri með þessum hætti komið í stað alls innflutts eldsneytis og er því eftir nokkru að slægjast. „Ísland gæti meira að segja komist í þá stöðu að flytja út eldsneyti sem framleitt væri hér innanlands,“ segir hann. Fyrirtækið hyggur á sýnatöku í sumar þar sem leitað verður að hentugum svæðum til þörungaræktunarinnar. „Við auglýstum eftir líffræðingum í þessa vinnu og höfum fengið margar góðar umsóknir frá mjög hæfu fólki,“ segir Ásbjörn. Í framhaldinu væri svo hægt að hefja tilraunaræktun á hafi úti á völdum stöðum á landinu. Erlendis eru hafnar tilraunir með vinnslu á lífeldsneyti úr þörungum, svo sem hjá fyrirtækjum á borð við Statoil, DuPont og Novozymes. Skortur á hentugum svæðum hamlar hins vegar ræktun og nýtingu ytra, sem og aðgangur að orkukostum til eftirvinnslu þar sem hitaskiljun yrði notuð til að vinna lífeldsneyti úr þörungunum. Hér segir Ásbjörn ýmsa ákjósanlega staði þar sem setja mætti upp verksmiðju í nágrenni þörungaræktunarinnar. Til dæmis mætti horfa til jarðvarmavirkjana á Reykjanesi, sem og á Norðurlandi, á Þeistareykjum og við Kröflu. Vænlegasta kostinn telur Ásbjörn að tengja framleiðsluna við þann mikla hita sem fá mætti með djúpborunarverkefnum, en einnig væri hægt að nýta fyrirliggjandi aðstöðu til framleiðslu við lægra hitastig. Úr þaranum er hægt að framleiða nokkrar tegundir af eldsneyti, svo sem lífgas, bioetanól og svo biobutanól sem sé mjög líkt bensíni. Síðan megi líka hafa not af hliðarafurðum framleiðslunnar og nota til dæmis í dýrafóður eða sem áburð. Vistvæn orka hefur náð árangri með þróun á ljósdíóðutækni sem notuð er við lýsingu í gróðurhúsum við margvíslega ræktun. Með tækninni hefur verið hægt að draga verulega úr orkunotkun við ræktunina, eða um helming eða meira miðað við hefðbundna lampa sem notaðir eru við ræktunina. Þessa tækni segir Ásbjörn svo lykilinn að árangri sem ná megi í þörungaræktun. „Hún er þessi litla þúfa sem veltir þessu þunga hlassi,“ en tilraunir fyrirtækisins við þararæktun hófust þegar erlent stórfyrirtæki í fiskeldi leitaði til Vistvænnar orku um lýsingu fyrir ungplöntur. Hér heima hefur fyrirtækið þegar, í samstarfi við Nýsköpunarmiðstöð Íslands og Atvinnuþróunarfélag Norðurlands, hafið tilraunir með ræktun á Reykjum í Ölfusi í gróðurhúsi Landbúnaðarháskóla Íslands. „Á því stigi framleiðum við ungplöntur,“ segir Ásbjörn, en þegar þær hafa náð þeirri stærð að þær þola flutning þá eru plönturnar fluttar í sjó þar sem þær fá bæði næringu og sólarljós. Með þeirri tækni sem Vistvæn orka hefur þróað við framleiðslu á ungplöntunum er hægt að framleiða mjög mikið magn af þörungum og tryggja þannig þá magnuppskeru sem þarf úr sjó til að standa undir framleiðslunni. Miðað við það magn af eldsneyti sem flutt var til landsins árið 2011 segir Ásbjörn að miðað við norska útreikninga þyrfti tvær milljónir tonna af lífmassa til að framleiða samsvarandi magn af lífeldsneyti. „En það er algjörlega raunhæft að rækta þetta í þessu magni,“ segir hann og vísar til þess að erlendis sé þegar í gangi stórfelld stórþörungaframleiðsla, bæði til framleiðslu á lífgasi og svo jafnvel til manneldis líka. „Í tilraun í Noregi voru menn að fá svona 40 til 50 tonn af þurrvigt úr hverjum hektara.“ olikr@frettabladid.is
Mest lesið Kosningavaktin: Íslendingar ganga að kjörborðinu Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent „Þetta er nákvæmlega það sem ég á að vera að gera“ Innlent Nokkrir foreldrar sóttu börn á lögreglustöð Innlent Grunaður um alvarlega líkamsárás gegn fyrrverandi sambýliskonu Innlent Vistmaður og starfsmaður Stuðla fluttir á bráðamóttöku Innlent Fluttur á spítala vegna alvarlegs efnabruna af völdum ætandi efnis Innlent Fleiri fréttir Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Sjá meira