Ekki tími fyrir breytingar Óskar Ófeigur Jónsson skrifar 31. október 2012 07:00 Ásgeir Örn Hallgrímsson og Vignir Svavarsson. Fréttablaðið/Valli Íslenska handboltalandsliðið frumsýnir nýjan þjálfara og nýtt þjálfarateymi í Laugardalshöllinni í kvöld þegar liðið mætir Hvíta-Rússlandi í fyrsta leik sínum í undankeppni EM í Danmörku sem fram fer í ársbyrjun 2014. Aron Kristjánsson er ekki í óskastöðu enda fyrsti landsliðsþjálfarinn í meira en hálfa öld sem ekki fær æfingaleik fyrir fyrsta alvöru leikinn. Það hefur ekki gerst síðan að Hallsteinn Hinriksson fór með íslenska landsliðið á HM í Vestur-Þýskalandi árið 1961 en þá hafði landsliðið ekki spilað í tvö ár. Hallsteinn fékk hins vegar tækifæri til að æfa vel í aðdraganda mótsins en Aron fær aðeins þrjár æfingar fyrir leikinn á móti Hvít-Rússum í kvöld. Reynum að ná vopnum„Það er búinn að vera knappur tími fyrir undirbúning fyrir þessa leiki og það er því gott að liðið er búið að vera mikið saman og nokkuð vel samæft. Þannig er staðan og við reynum bara að ná vopnum," sagði Aron Kristjánsson. „Þetta verður mjög erfitt. Við erum með nýjan þjálfara og höfum aðeins tvo daga til að samstilla liðið. Það sem við vorum að reyna í vörninni í gær var ekki eins einfalt og alltaf. Aron vill líka breyta aðeins til og þá kemur misskilningur á milli varnarmanna," sagði Alexander Petersson og bætti við: „Ég vildi ekki vera í skónum hans Arons því þetta er mjög erfitt og við þurfum að hjálpa honum mikið. Við þurfum að gefa allt okkar og ef eitthvað virkar ekki þá þurfum við bara að gera það sem við gerðum áður," sagði Alexander. Aron hefur kynnt sér vel leik íslenska liðsins síðustu misseri og lykilmenn eins og Snorri Steinn Guðjónsson og Guðjón Valur Sigurðsson segja að nýi þjálfarinn hafi leitað til þeirra í undirbúningi sínum fyrir verkefnið. Meira talað en spilað„Hann hefur horft á alla okkar leiki og við getum sagt hvað hefur virkað fyrir okkur og vitum líka hvar við höfum verið í mestum vandræðum. Það er aðeins rólegra yfir þessu og meira talað en spilað af því að við þurfum að vera með allt á hreinu," sagði fyrirliðinn Guðjón Valur Sigurðsson. „Þegar það kemur nýr þjálfari þá þarf hann að kynnast liðinu og að sama skapi við kynnast honum og hans aðferðum. Gummi var búinn að vera með þetta í langan tíma og það er ákveðin vítamínssprauta að breyta aðeins til og fá inn nýja menn. Aron hefur sagt það sjálfur að hann ætlar að byggja á góðum grunni og leikaðferðirnar verða þær sömu. Þegar lið hafa verið að spila lengi saman er minni ástæða til að breyta hlutunum og þá sérstaklega þegar þetta hefur virkað," sagði leikstjórnandinn Snorri Steinn Guðjónsson. „Það er ekki hægt að breyta neinu núna og því snýst þetta bara um að ná saman, finna hver annan í vörn og sókn og byggja á því sem hefur verið gert. Svo reynir maður í framhaldinu að finna leiðir til að þróa okkar leik og bæta okkur. Það eru líka nokkur taktísk atriði sem við þurfum að snúa upp á því mikið af leik liðsins var byggt í kringum Ólaf Stefánsson," sagði Aron en Ólafur er einn af þremur lykilmönnum liðsins á Ólympíuleikunum í London sem verða ekki með liðinu í kvöld. Þrír Ólympíufarar ekki með„Það eru breytingar á liðinu frá Ólympíuleikunum og það eru nokkrir dottnir út. Við þurfum að mæta einbeittir og við þurfum að spila góðan leik til að vinna. Ólafur, Björgvin Páll (Gústavsson) og Arnór (Atlason) eru búnir að spila risastórt hlutverk og allir voru þeir í byrjunarliðinu á Ólympíuleikunum. Svo glímir Ólafur Bjarki (Ragnarsson) við hnévandamál og hefur lítið getað æft með okkur á þessum tveimur æfingum. Það var gríðarlega mikilvægt að Aron (Pálmarsson) spilaði um helgina því við megum ekki við frekari skakkaföllum," sagði Aron. „Hvít-Rússar geta reynst mjög erfiðir og þeir eru skeinuhættir. Þeir eru vel skipulagðir og með nokkra sterka leikmenn innanborðs. Þetta er sýnd veiði en ekki gefin, við þurfum að virkilega á tánum og þurfum mikinn stuðning frá áhorfendum. Við þurfum að fá fulla höll og pressu á andstæðinginn til þess að landa sigri," sagði Aron og Alexander spáir sigri. „Þetta verður mjög erfiður leikur en við vinnum þetta með fjórum mörkum," sagði Alexander léttur. Leikurinn fer fram í Laugardalshöllinni og hefst klukkan 19.30. Handbolti Mest lesið Bein útsending: Átta hlaupa inn í nóttina Sport Stærsta lið Noregs í þrot Handbolti „Dæmið okkur eftir eftir næstu sjö leiki“ Fótbolti FIFA setur Viðar Örn í sex mánaða bann Fótbolti „Ég trúi þessu ekki ennþá“ Fótbolti Rakel María endaði upp á spítala: „Ég á bara ótrúlega erfitt“ Sport Körfuboltakvöld: Áhyggjur af Álftanesi Körfubolti „Ég reyndi að standa mig eins og í öllum öðrum leikjum“ Íslenski boltinn Arnar Gunnlaugsson í banni í úrslitaleiknum Fótbolti Leclerc fyrstur í mark í Texas Formúla 1 Fleiri fréttir Stærsta lið Noregs í þrot Uppgjörið: Haukar - Cocks 35-26 | Haukar fara með gott veganesti til Finnlands 23 íslensk mörk þegar Magdeburg vann Leipzig Strákarnir hans Gumma Gumm með fimmta sigurinn í röð Dana Björg markahæst í sigurleik Komin aftur á völlinn þremur mánuðum eftir barnsburð Elvar skoraði sex þegar Melsungen fór á toppinn Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Sjá meira
Íslenska handboltalandsliðið frumsýnir nýjan þjálfara og nýtt þjálfarateymi í Laugardalshöllinni í kvöld þegar liðið mætir Hvíta-Rússlandi í fyrsta leik sínum í undankeppni EM í Danmörku sem fram fer í ársbyrjun 2014. Aron Kristjánsson er ekki í óskastöðu enda fyrsti landsliðsþjálfarinn í meira en hálfa öld sem ekki fær æfingaleik fyrir fyrsta alvöru leikinn. Það hefur ekki gerst síðan að Hallsteinn Hinriksson fór með íslenska landsliðið á HM í Vestur-Þýskalandi árið 1961 en þá hafði landsliðið ekki spilað í tvö ár. Hallsteinn fékk hins vegar tækifæri til að æfa vel í aðdraganda mótsins en Aron fær aðeins þrjár æfingar fyrir leikinn á móti Hvít-Rússum í kvöld. Reynum að ná vopnum„Það er búinn að vera knappur tími fyrir undirbúning fyrir þessa leiki og það er því gott að liðið er búið að vera mikið saman og nokkuð vel samæft. Þannig er staðan og við reynum bara að ná vopnum," sagði Aron Kristjánsson. „Þetta verður mjög erfitt. Við erum með nýjan þjálfara og höfum aðeins tvo daga til að samstilla liðið. Það sem við vorum að reyna í vörninni í gær var ekki eins einfalt og alltaf. Aron vill líka breyta aðeins til og þá kemur misskilningur á milli varnarmanna," sagði Alexander Petersson og bætti við: „Ég vildi ekki vera í skónum hans Arons því þetta er mjög erfitt og við þurfum að hjálpa honum mikið. Við þurfum að gefa allt okkar og ef eitthvað virkar ekki þá þurfum við bara að gera það sem við gerðum áður," sagði Alexander. Aron hefur kynnt sér vel leik íslenska liðsins síðustu misseri og lykilmenn eins og Snorri Steinn Guðjónsson og Guðjón Valur Sigurðsson segja að nýi þjálfarinn hafi leitað til þeirra í undirbúningi sínum fyrir verkefnið. Meira talað en spilað„Hann hefur horft á alla okkar leiki og við getum sagt hvað hefur virkað fyrir okkur og vitum líka hvar við höfum verið í mestum vandræðum. Það er aðeins rólegra yfir þessu og meira talað en spilað af því að við þurfum að vera með allt á hreinu," sagði fyrirliðinn Guðjón Valur Sigurðsson. „Þegar það kemur nýr þjálfari þá þarf hann að kynnast liðinu og að sama skapi við kynnast honum og hans aðferðum. Gummi var búinn að vera með þetta í langan tíma og það er ákveðin vítamínssprauta að breyta aðeins til og fá inn nýja menn. Aron hefur sagt það sjálfur að hann ætlar að byggja á góðum grunni og leikaðferðirnar verða þær sömu. Þegar lið hafa verið að spila lengi saman er minni ástæða til að breyta hlutunum og þá sérstaklega þegar þetta hefur virkað," sagði leikstjórnandinn Snorri Steinn Guðjónsson. „Það er ekki hægt að breyta neinu núna og því snýst þetta bara um að ná saman, finna hver annan í vörn og sókn og byggja á því sem hefur verið gert. Svo reynir maður í framhaldinu að finna leiðir til að þróa okkar leik og bæta okkur. Það eru líka nokkur taktísk atriði sem við þurfum að snúa upp á því mikið af leik liðsins var byggt í kringum Ólaf Stefánsson," sagði Aron en Ólafur er einn af þremur lykilmönnum liðsins á Ólympíuleikunum í London sem verða ekki með liðinu í kvöld. Þrír Ólympíufarar ekki með„Það eru breytingar á liðinu frá Ólympíuleikunum og það eru nokkrir dottnir út. Við þurfum að mæta einbeittir og við þurfum að spila góðan leik til að vinna. Ólafur, Björgvin Páll (Gústavsson) og Arnór (Atlason) eru búnir að spila risastórt hlutverk og allir voru þeir í byrjunarliðinu á Ólympíuleikunum. Svo glímir Ólafur Bjarki (Ragnarsson) við hnévandamál og hefur lítið getað æft með okkur á þessum tveimur æfingum. Það var gríðarlega mikilvægt að Aron (Pálmarsson) spilaði um helgina því við megum ekki við frekari skakkaföllum," sagði Aron. „Hvít-Rússar geta reynst mjög erfiðir og þeir eru skeinuhættir. Þeir eru vel skipulagðir og með nokkra sterka leikmenn innanborðs. Þetta er sýnd veiði en ekki gefin, við þurfum að virkilega á tánum og þurfum mikinn stuðning frá áhorfendum. Við þurfum að fá fulla höll og pressu á andstæðinginn til þess að landa sigri," sagði Aron og Alexander spáir sigri. „Þetta verður mjög erfiður leikur en við vinnum þetta með fjórum mörkum," sagði Alexander léttur. Leikurinn fer fram í Laugardalshöllinni og hefst klukkan 19.30.
Handbolti Mest lesið Bein útsending: Átta hlaupa inn í nóttina Sport Stærsta lið Noregs í þrot Handbolti „Dæmið okkur eftir eftir næstu sjö leiki“ Fótbolti FIFA setur Viðar Örn í sex mánaða bann Fótbolti „Ég trúi þessu ekki ennþá“ Fótbolti Rakel María endaði upp á spítala: „Ég á bara ótrúlega erfitt“ Sport Körfuboltakvöld: Áhyggjur af Álftanesi Körfubolti „Ég reyndi að standa mig eins og í öllum öðrum leikjum“ Íslenski boltinn Arnar Gunnlaugsson í banni í úrslitaleiknum Fótbolti Leclerc fyrstur í mark í Texas Formúla 1 Fleiri fréttir Stærsta lið Noregs í þrot Uppgjörið: Haukar - Cocks 35-26 | Haukar fara með gott veganesti til Finnlands 23 íslensk mörk þegar Magdeburg vann Leipzig Strákarnir hans Gumma Gumm með fimmta sigurinn í röð Dana Björg markahæst í sigurleik Komin aftur á völlinn þremur mánuðum eftir barnsburð Elvar skoraði sex þegar Melsungen fór á toppinn Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Sjá meira