Kári Kristján: Komið sjálfum okkur á óvart Eiríkur Stefán Ásgeirsson skrifar 23. nóvember 2012 07:00 Kári Kristján í leik með þýska liðinu Wetzlar. Nordic Photos / Getty Images Wetzlar hefur komið liða mest á óvart í þýsku úrvalsdeildinni í haust og liðið sendi skýr skilaboð með frábærum útivallarsigri á Füchse Berlin í fyrrakvöld, 28-27. Með sigrinum höfðu liðin sætaskipti og er Wetzlar komið upp þriðja sætið – nánast öllum að óvörum. Kári Kristján Kristjánsson og Fannar Friðgeirsson eru á mála hjá Wetzlar en sá fyrrnefndi átti stórleik gegn Füchse Berlin. Hann var markahæstur með sjö mörk og skoraði sigurmark sinna manna rúmri mínútu fyrir leikslok. „Þetta var algjör sleggja," sagði Kári Kristján í léttum dúr þegar að Fréttablaðið sló á þráðinn til hans í gær. „Því er ekki að neita að við erum í spútnikbransanum þessar vikurnar og höfum komið öllum á óvart – ekki síst okkur sjálfum," bætir hann við. Lokamínútur leiksins voru æsispennandi. Wetzlar var þremur mörkum yfir en Füchse Berlin náði að jafna metin þegar rúmar tvær mínútur voru eftir. Kári Kristján skoraði sigurmarkið stuttu síðar en þess má geta að línumaðurinn sterki sá alfarið um markaskorun Wetzlar síðustu tíu mínútur leiksins. Þá skoraði hann öll fjögur mörk liðsins. „Ég spáði reyndar ekkert í því fyrr en ég las það eftir leikinn. Og er ég ekki að ljúga neinu um það," segir hann og hlær. „Þetta spilaðist ágætlega fyrir mig síðasta korterið en fram að því hafði ég lítið fengið boltann. Þetta er bara eitthvað sem þróast eftir því sem líður á leikinn og geta verið ýmsar ástæður fyrir því." Dagur Sigurðsson er þjálfari Füchse Berlin og hefur náð frábærum árangri með liðið. Tvö ár í röð hefur liðið komist í Meistaradeild Evrópu og fóru Berlínarrefirnir alla leið í undanúrslit Meistaradeildar Evrópu á sínu fyrsta tímabili í keppni þeirra bestu. Það telst því til mikilla tíðinda þegar að lið eins og Wetzlar blandar sér skyndilega í toppbaráttu deildarinnar eins og liðið gerði á miðvikudagskvöldið. Kári segir erfitt að finna eina algilda skýringu fyrir þessu góða gengi. Það sé margt sem komi til. „Við fengum nokkra góða leikmenn fyrir tímabilið en svo hefur okkur tekist að spila mjög vanafastan og góðan handbolta. Vörnin okkar er mjög sterk og við erum með góðan markvörð, enda höfum við fengið einna fæst mörk á okkur í deildinni. Þetta hefur bara verið heilt yfir nokkuð stöðugt hjá okkur og það skiptir máli," segir hann og neitar því ekki að gengi liðsins hafi komið sér á óvart. „Fjárhagur okkar er ekki í námunda við þessi félög sem eru yfirleitt í toppbaráttu deildarinnar. Þar af leiðandi eru margir hissa á þessu en við vitum líka að þetta getur verið fljótt að breytast. En er á meðan er og ég ætla að njóta augnabliksins. Við höfum engu að tapa og förum í leikina gegn þessum stóru liðum alveg áhyggjulausir. Nú eigum við fram undan leiki gegn liðum sem eru fyrir neðan okkur í töflunni og reynir þá á að sýna að við getum haldið dampi og unnið þau líka," segir Kári. Kári Kristján er á sínu þriðja tímabili hjá Wetzlar og segist hafa bætt sig á hverju ári. „Ég missti reyndar af öllu undirbúningstímabilinu vegna Ólympíuleikanna og því var byrjun tímabilsins hjá mér nokkuð brösótt. En svo hefur þetta gengið ágætlega og ég hef fengið mínar 45-50 mínútur í leik. Ég hef því yfir litlu að kvarta." Handbolti Mest lesið Bein útsending: Fimm eftir í morgunsárið Sport Arnar Gunnlaugsson í banni í úrslitaleiknum Fótbolti „Hefði látið Elías Inga blása og er ekki viss um að hann hefði fengið keyra heim“ Íslenski boltinn Stærsta lið Noregs í þrot Handbolti „Dæmið okkur eftir eftir næstu sjö leiki“ Fótbolti Rakel María endaði upp á spítala: „Ég á bara ótrúlega erfitt“ Sport FIFA setur Viðar Örn í sex mánaða bann Fótbolti Körfuboltakvöld: Áhyggjur af Álftanesi Körfubolti „Ég trúi þessu ekki ennþá“ Íslenski boltinn Stjarna Leverkusen á spítala eftir árekstur við vörubíl Fótbolti Fleiri fréttir Stærsta lið Noregs í þrot Uppgjörið: Haukar - Cocks 35-26 | Haukar fara með gott veganesti til Finnlands 23 íslensk mörk þegar Magdeburg vann Leipzig Strákarnir hans Gumma Gumm með fimmta sigurinn í röð Dana Björg markahæst í sigurleik Komin aftur á völlinn þremur mánuðum eftir barnsburð Elvar skoraði sex þegar Melsungen fór á toppinn Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Sjá meira
Wetzlar hefur komið liða mest á óvart í þýsku úrvalsdeildinni í haust og liðið sendi skýr skilaboð með frábærum útivallarsigri á Füchse Berlin í fyrrakvöld, 28-27. Með sigrinum höfðu liðin sætaskipti og er Wetzlar komið upp þriðja sætið – nánast öllum að óvörum. Kári Kristján Kristjánsson og Fannar Friðgeirsson eru á mála hjá Wetzlar en sá fyrrnefndi átti stórleik gegn Füchse Berlin. Hann var markahæstur með sjö mörk og skoraði sigurmark sinna manna rúmri mínútu fyrir leikslok. „Þetta var algjör sleggja," sagði Kári Kristján í léttum dúr þegar að Fréttablaðið sló á þráðinn til hans í gær. „Því er ekki að neita að við erum í spútnikbransanum þessar vikurnar og höfum komið öllum á óvart – ekki síst okkur sjálfum," bætir hann við. Lokamínútur leiksins voru æsispennandi. Wetzlar var þremur mörkum yfir en Füchse Berlin náði að jafna metin þegar rúmar tvær mínútur voru eftir. Kári Kristján skoraði sigurmarkið stuttu síðar en þess má geta að línumaðurinn sterki sá alfarið um markaskorun Wetzlar síðustu tíu mínútur leiksins. Þá skoraði hann öll fjögur mörk liðsins. „Ég spáði reyndar ekkert í því fyrr en ég las það eftir leikinn. Og er ég ekki að ljúga neinu um það," segir hann og hlær. „Þetta spilaðist ágætlega fyrir mig síðasta korterið en fram að því hafði ég lítið fengið boltann. Þetta er bara eitthvað sem þróast eftir því sem líður á leikinn og geta verið ýmsar ástæður fyrir því." Dagur Sigurðsson er þjálfari Füchse Berlin og hefur náð frábærum árangri með liðið. Tvö ár í röð hefur liðið komist í Meistaradeild Evrópu og fóru Berlínarrefirnir alla leið í undanúrslit Meistaradeildar Evrópu á sínu fyrsta tímabili í keppni þeirra bestu. Það telst því til mikilla tíðinda þegar að lið eins og Wetzlar blandar sér skyndilega í toppbaráttu deildarinnar eins og liðið gerði á miðvikudagskvöldið. Kári segir erfitt að finna eina algilda skýringu fyrir þessu góða gengi. Það sé margt sem komi til. „Við fengum nokkra góða leikmenn fyrir tímabilið en svo hefur okkur tekist að spila mjög vanafastan og góðan handbolta. Vörnin okkar er mjög sterk og við erum með góðan markvörð, enda höfum við fengið einna fæst mörk á okkur í deildinni. Þetta hefur bara verið heilt yfir nokkuð stöðugt hjá okkur og það skiptir máli," segir hann og neitar því ekki að gengi liðsins hafi komið sér á óvart. „Fjárhagur okkar er ekki í námunda við þessi félög sem eru yfirleitt í toppbaráttu deildarinnar. Þar af leiðandi eru margir hissa á þessu en við vitum líka að þetta getur verið fljótt að breytast. En er á meðan er og ég ætla að njóta augnabliksins. Við höfum engu að tapa og förum í leikina gegn þessum stóru liðum alveg áhyggjulausir. Nú eigum við fram undan leiki gegn liðum sem eru fyrir neðan okkur í töflunni og reynir þá á að sýna að við getum haldið dampi og unnið þau líka," segir Kári. Kári Kristján er á sínu þriðja tímabili hjá Wetzlar og segist hafa bætt sig á hverju ári. „Ég missti reyndar af öllu undirbúningstímabilinu vegna Ólympíuleikanna og því var byrjun tímabilsins hjá mér nokkuð brösótt. En svo hefur þetta gengið ágætlega og ég hef fengið mínar 45-50 mínútur í leik. Ég hef því yfir litlu að kvarta."
Handbolti Mest lesið Bein útsending: Fimm eftir í morgunsárið Sport Arnar Gunnlaugsson í banni í úrslitaleiknum Fótbolti „Hefði látið Elías Inga blása og er ekki viss um að hann hefði fengið keyra heim“ Íslenski boltinn Stærsta lið Noregs í þrot Handbolti „Dæmið okkur eftir eftir næstu sjö leiki“ Fótbolti Rakel María endaði upp á spítala: „Ég á bara ótrúlega erfitt“ Sport FIFA setur Viðar Örn í sex mánaða bann Fótbolti Körfuboltakvöld: Áhyggjur af Álftanesi Körfubolti „Ég trúi þessu ekki ennþá“ Íslenski boltinn Stjarna Leverkusen á spítala eftir árekstur við vörubíl Fótbolti Fleiri fréttir Stærsta lið Noregs í þrot Uppgjörið: Haukar - Cocks 35-26 | Haukar fara með gott veganesti til Finnlands 23 íslensk mörk þegar Magdeburg vann Leipzig Strákarnir hans Gumma Gumm með fimmta sigurinn í röð Dana Björg markahæst í sigurleik Komin aftur á völlinn þremur mánuðum eftir barnsburð Elvar skoraði sex þegar Melsungen fór á toppinn Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Sjá meira