Víti í Eyjum og bækur Ragnars í sjónvarpið freyr@frettabladid.is skrifar 20. desember 2012 09:00 samningurinn í höfn Gunnar Helgason ásamt Kristni Þórðarsyni hjá Sagafilm þegar samningurinn var í höfn. Sagafilm og Þorvaldur Davíð ætla einnig í samstarf. fréttablaðið/vilhelm Sagafilm hefur keypt sjónvarpsþáttaréttinn að barnabókinni Víti í Vestmannaeyjum eftir Gunnar Helgason. Gerðir verða tíu til tólf þættir sem byggja á bókinni. „Okkur fannst þetta mjög fín bók. Við höfum lengi verið að leita að barna- og unglingaefni. Þegar við lásum þessa bók fannst okkur allt smella saman," segir Kristinn Þórðarson, yfirmaður framleiðslu á leiknu efni hjá Sagafilm. Víti í Vestmannaeyjum er fyrsta bókin í bókaflokki um Jón Jónsson, Eivöru, Ívar og Skúla og gerist á Shellmótinu í Vestmannaeyjum. Hún var önnur mest selda barnabókin á síðasta ári. Önnur bókin í flokknum, Aukaspyrna á Akureyri, er mest selda barnabókin á Íslandi fyrir þessi jólin. Þættirnir verða að mestu leyti teknir upp í Vestmannaeyjum og hugsanlega á Shellmótinu sem er haldið í bænum á hverju sumri. Gunnar Helgason mun sjálfur fara fyrir handritsteymi sem á eftir að setja saman. Stefnt er að tökum sumarið 2014. Spurður segir Kristinn að möguleikinn á að gera þætti úr Aukaspyrnu á Akureyri sé einnig fyrir hendi. „Við höfum áhuga og hann segist ætla að skrifa eina eða tvær bækur í viðbót. En við byrjum á þessari og sjáum svo til." Sagafilm hefur einnig gengið til liðs við leikarann Þorvald Davíð Kristjánsson um gerð sjónvarpsþátta sem verða byggðir á glæpasögum Ragnars Jónassonar. Fyrr í haust var tilkynnt að Þorvaldur Davíð hefði keypt kvikmyndaréttinn að Snjóblindu Ragnars. Nú hefur hann tryggt sér, ásamt Sagafilm, réttinn á seinni bókum Ragnars um lögreglumanninn Ara Þór, Myrknætti og Rofi. Bækurnar þrjár gerast allar á Siglufirði og sú nýjasta, Rof, gerist einnig í eyðifirðinum Héðinsfirði. Sagafilm og Þorvaldur Davíð hafa jafnframt fengið heimild til að framleiða sjálfstæða þætti byggða á persónu Ara Þórs. „Við höfum starfað mikið með Þorvaldi og okkur líst mjög vel á þetta verkefni. Mér finnst þetta vera spennandi bækur og ekki skemmir fyrir að fá Þorvald í aðalhlutverkið," segir Kristinn. Handritaskrif hefjast á næsta ári og er stefnt á framleiðslu veturinn 2014 eða 2015. Lífið Menning Mest lesið Margverðlaunaður garður með sólskini allan daginn Lífið „Þetta er enginn helvítis félagskvíði, það bara þolir mig enginn“ Áskorun Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Fundu ástina á ný eftir skilnað Lífið Svanhildur selur 500 fermetra höll í Akrahverfinu Lífið Heitustu hinsegin pör landsins Lífið Syntu í hverri einustu laug landsins Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Sagafilm hefur keypt sjónvarpsþáttaréttinn að barnabókinni Víti í Vestmannaeyjum eftir Gunnar Helgason. Gerðir verða tíu til tólf þættir sem byggja á bókinni. „Okkur fannst þetta mjög fín bók. Við höfum lengi verið að leita að barna- og unglingaefni. Þegar við lásum þessa bók fannst okkur allt smella saman," segir Kristinn Þórðarson, yfirmaður framleiðslu á leiknu efni hjá Sagafilm. Víti í Vestmannaeyjum er fyrsta bókin í bókaflokki um Jón Jónsson, Eivöru, Ívar og Skúla og gerist á Shellmótinu í Vestmannaeyjum. Hún var önnur mest selda barnabókin á síðasta ári. Önnur bókin í flokknum, Aukaspyrna á Akureyri, er mest selda barnabókin á Íslandi fyrir þessi jólin. Þættirnir verða að mestu leyti teknir upp í Vestmannaeyjum og hugsanlega á Shellmótinu sem er haldið í bænum á hverju sumri. Gunnar Helgason mun sjálfur fara fyrir handritsteymi sem á eftir að setja saman. Stefnt er að tökum sumarið 2014. Spurður segir Kristinn að möguleikinn á að gera þætti úr Aukaspyrnu á Akureyri sé einnig fyrir hendi. „Við höfum áhuga og hann segist ætla að skrifa eina eða tvær bækur í viðbót. En við byrjum á þessari og sjáum svo til." Sagafilm hefur einnig gengið til liðs við leikarann Þorvald Davíð Kristjánsson um gerð sjónvarpsþátta sem verða byggðir á glæpasögum Ragnars Jónassonar. Fyrr í haust var tilkynnt að Þorvaldur Davíð hefði keypt kvikmyndaréttinn að Snjóblindu Ragnars. Nú hefur hann tryggt sér, ásamt Sagafilm, réttinn á seinni bókum Ragnars um lögreglumanninn Ara Þór, Myrknætti og Rofi. Bækurnar þrjár gerast allar á Siglufirði og sú nýjasta, Rof, gerist einnig í eyðifirðinum Héðinsfirði. Sagafilm og Þorvaldur Davíð hafa jafnframt fengið heimild til að framleiða sjálfstæða þætti byggða á persónu Ara Þórs. „Við höfum starfað mikið með Þorvaldi og okkur líst mjög vel á þetta verkefni. Mér finnst þetta vera spennandi bækur og ekki skemmir fyrir að fá Þorvald í aðalhlutverkið," segir Kristinn. Handritaskrif hefjast á næsta ári og er stefnt á framleiðslu veturinn 2014 eða 2015.
Lífið Menning Mest lesið Margverðlaunaður garður með sólskini allan daginn Lífið „Þetta er enginn helvítis félagskvíði, það bara þolir mig enginn“ Áskorun Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Fundu ástina á ný eftir skilnað Lífið Svanhildur selur 500 fermetra höll í Akrahverfinu Lífið Heitustu hinsegin pör landsins Lífið Syntu í hverri einustu laug landsins Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira