Bandarísk fósturmóðir verður metsöluhöfundur 13. febrúar 2012 22:00 Vanessa Diffenbaugh. Fyrsta skáldsaga hennar, Táknmál blómanna, hefur selst til um 40 landa víðs vegar um heim. Mynd/úr einkasafni Skáldsagan Táknmál blómanna eftir bandaríska rithöfundinn Vanessu Diffenbaugh hefur selst til yfir 40 landa víðs vegar um heiminn. Sagan þykir gefa raunsæja innsýn í oft og tíðum kaldranalegan veruleika fósturbarna í Bandaríkjunum. Skáldsagan Táknmál blómanna, eftir bandaríska rithöfundinn Vanessu Diffenbaugh, segir örlagasögu Victoriu, sem elst upp á flækingi milli fósturheimila og stofnana. Þegar hún verður átján ára og þar með komin út úr kerfinu þarf hún að takast á við lífið, ein og án aðstoðar. Hún er illa búin undir það verkefni og rekur sig á ýmsar hindranir á leið sinni að því að verða heil. Sagan af Victoriu hefur verið gefin út í meira en 40 löndum frá því hún kom fyrst út í Þýskalandi í byrjun árs 2011. Það þykir ótrúlegur árangur, enda er bókin fyrsta skáldsaga höfundar. Þegar blaðamaður Fréttablaðsins sló á þráðinn til Diffenbaugh í gærdag sat hún fyrir utan bókasafnið í Cambridge í Massachusetts og drakk morgunkaffið sitt. Á bókasafninu eyðir hún dögunum við skriftir, en önnur skáldsaga hennar er í smíðum. Hún er ekki lengi að samsinna því að síðustu mánuðir hafi verið ævintýralegur tími fyrir hana. „Þegar ég byrjaði að vinna að þessari bók bjó ég í Sakramentó í Kaliforníu. Ég var heimavinnandi móðir, var með tvö fósturbörn og tvö lítil börn, og vann í skáldsögunni minni. Í dag eru fósturbörnin mín tvö farin í háskóla, yngri börnin mín tvö í leikskóla, og ég fæst við að ferðast um heiminn og skrifa. Það er óhætt að segja að líf mitt hafi breyst og þetta hefur verið mikið ævintýri." Táknmál blómanna var á metsölulista New York Times svo vikum skipti og var endurprentuð sjö sinnum í Bandaríkjunum. Þar vestanhafs er hún ekki enn komin út í kiljuformi og því má búast við að vegur hennar muni aukast enn í apríl, þegar kiljan kemur í verslanir. Bókin hefur komið út í mörgum Evrópulöndum og eins og er situr hún í 17. sæti á lista bresku útgáfu netverslunarinnar Amazon, yfir bestu titla ársins 2011. Sagan þykir sýna á óvenjulega raunsæjan hátt kaldranalegan veruleika fósturbarna. Vafalaust hefur það hjálpað til við að gefa sögunni líf að Diffenbaugh og eiginmaður hennar hafa sjálf tekið að sér fósturbörn og þekkja því aðstæður þeirra vel. Fleira úr bókinni tekur Victoria úr eigin lífi, en rétt eins og söguhetjan Victoria, er hún hugfangin af blómum. „Fyrir mörgum árum var ég í bókabúð og fann gamla myndskreytta orðabók blóma. Ég féll kylliflöt fyrir henni," segir hún. Hún gaf því söguhetjunni sinni, Victoriu, þann hæfileika að geta tjáð tilfinningar sínar og annarra með blómum. Móttökur bókarinnar komu Vanessu í opna skjöldu. „Ég var alltaf mjög bjartsýn á velgengni bókarinnar þó að þetta væri mín fyrsta skáldsaga. Ég er jákvæð að eðlisfari, mjög ákveðin og vön að leggja hart að mér. Svo það kom mér ekki á óvart að bókin skyldi seljast. En að hún myndi seljast í þessu magni sá ég aldrei fyrir mér." holmfridur@frettabladid.is Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Skáldsagan Táknmál blómanna eftir bandaríska rithöfundinn Vanessu Diffenbaugh hefur selst til yfir 40 landa víðs vegar um heiminn. Sagan þykir gefa raunsæja innsýn í oft og tíðum kaldranalegan veruleika fósturbarna í Bandaríkjunum. Skáldsagan Táknmál blómanna, eftir bandaríska rithöfundinn Vanessu Diffenbaugh, segir örlagasögu Victoriu, sem elst upp á flækingi milli fósturheimila og stofnana. Þegar hún verður átján ára og þar með komin út úr kerfinu þarf hún að takast á við lífið, ein og án aðstoðar. Hún er illa búin undir það verkefni og rekur sig á ýmsar hindranir á leið sinni að því að verða heil. Sagan af Victoriu hefur verið gefin út í meira en 40 löndum frá því hún kom fyrst út í Þýskalandi í byrjun árs 2011. Það þykir ótrúlegur árangur, enda er bókin fyrsta skáldsaga höfundar. Þegar blaðamaður Fréttablaðsins sló á þráðinn til Diffenbaugh í gærdag sat hún fyrir utan bókasafnið í Cambridge í Massachusetts og drakk morgunkaffið sitt. Á bókasafninu eyðir hún dögunum við skriftir, en önnur skáldsaga hennar er í smíðum. Hún er ekki lengi að samsinna því að síðustu mánuðir hafi verið ævintýralegur tími fyrir hana. „Þegar ég byrjaði að vinna að þessari bók bjó ég í Sakramentó í Kaliforníu. Ég var heimavinnandi móðir, var með tvö fósturbörn og tvö lítil börn, og vann í skáldsögunni minni. Í dag eru fósturbörnin mín tvö farin í háskóla, yngri börnin mín tvö í leikskóla, og ég fæst við að ferðast um heiminn og skrifa. Það er óhætt að segja að líf mitt hafi breyst og þetta hefur verið mikið ævintýri." Táknmál blómanna var á metsölulista New York Times svo vikum skipti og var endurprentuð sjö sinnum í Bandaríkjunum. Þar vestanhafs er hún ekki enn komin út í kiljuformi og því má búast við að vegur hennar muni aukast enn í apríl, þegar kiljan kemur í verslanir. Bókin hefur komið út í mörgum Evrópulöndum og eins og er situr hún í 17. sæti á lista bresku útgáfu netverslunarinnar Amazon, yfir bestu titla ársins 2011. Sagan þykir sýna á óvenjulega raunsæjan hátt kaldranalegan veruleika fósturbarna. Vafalaust hefur það hjálpað til við að gefa sögunni líf að Diffenbaugh og eiginmaður hennar hafa sjálf tekið að sér fósturbörn og þekkja því aðstæður þeirra vel. Fleira úr bókinni tekur Victoria úr eigin lífi, en rétt eins og söguhetjan Victoria, er hún hugfangin af blómum. „Fyrir mörgum árum var ég í bókabúð og fann gamla myndskreytta orðabók blóma. Ég féll kylliflöt fyrir henni," segir hún. Hún gaf því söguhetjunni sinni, Victoriu, þann hæfileika að geta tjáð tilfinningar sínar og annarra með blómum. Móttökur bókarinnar komu Vanessu í opna skjöldu. „Ég var alltaf mjög bjartsýn á velgengni bókarinnar þó að þetta væri mín fyrsta skáldsaga. Ég er jákvæð að eðlisfari, mjög ákveðin og vön að leggja hart að mér. Svo það kom mér ekki á óvart að bókin skyldi seljast. En að hún myndi seljast í þessu magni sá ég aldrei fyrir mér." holmfridur@frettabladid.is
Menning Mest lesið Vala Grand gengin út Lífið Lil Curly og Brynja ekki lengur bara vinir Lífið Jökull í Kaleo í Glæstar vonir Bíó og sjónvarp Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Fjögur börn og trúlofun hjá Evu Dögg Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Stjörnulífið: Stjörnubrúðkaup og Áslaug Arna í golfi Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira