Totti hjá Roma til ársins 2016

Ítalinn Francesco Totti hefur skrifað undir nýjan samning við Roma og er framherjinn nú samningsbundinn félaginu til ársins 2016.

Þessi goðsögn í Róm framlengdi því um tvö ár en hann er orðin 36 ára gamall en samkvæmt ítölskum fjölmiðlum mun samningurinn skila leikmanninum um einn milljarð íslenskra króna í laun.

Leikmaðurinn hefur leikið með félaginu allan sinn feril eða frá árinu 1993. Totti hefur leikið 537 leiki með AS Roma og skorað í þeim 227 mörk.