Handknattleikskappinn Hörður Fannar Sigþórsson mun að öllum líkindum spila með meistaraflokki karla hjá Akureyri út leiktíðina samkvæmt heimildum Íþróttadeildar.
Hörður Fannar ku hafa fengið sig lausan allra mála hjá færeyska félaginu Kyndli. Hörður gekk til liðs við félagið síðastliðið sumar en er nú á heimleið.
Hörður er línumaður og sterkur varnarmaður. Hann var lykilmaður í liði Akureyrar þar til hann flutti sig um set til Færeyja. Um mikinn styrk er að ræða fyrir Akureyrarliðið sem leikur gegn FH í undanúrslitum Deildabikars HSÍ í lok janúar.
Hörður Fannar í herbúðir Akureyrar á ný
