Arnór búinn að semja við Helsingborg

Landsliðsmaðurinn frá Akranesi, Arnór Smárason, er búinn að finna sér nýtt félag en hann samdi í dag við sænska úrvalsdeildarfélagið Helsingborg.

Arnór skrifaði undir þriggja ára samning við félagið en hann kemur til liðsins frá Esbjerg í Danmörku.

Þar hafði hinn 24 ára gamli Arnór leikið síðan árið 2010. Þar á undan var Arnór í herbúðum hollenska félagsins Heerenveen.

Helsingborg er eitt besta lið Svíþjóðar og situr sem stendur í öðru sæti sænsku deildarinnar.