Irma bætti sex ára gamalt Íslandsmet

Irma Gunnarsdóttir úr Breiðabliki bætti Íslandsmetið í flokki 15 ára og yngri í 300 metra grindahlaupi á Meistaramóti Íslands í frjálsum íþróttum í dag.

Irma hljóp metrana þrjú hundruð á 45,90 sekúndum og bætti met Lindu Bjarkar Valbjörnsdóttur úr UMSS um um 43/100 úr sekúndu.

Fríða Ísabel Friðriksdóttir úr UMSS var önnur á 49,41 sekúndum og Berglind Björk Guðmundsdóttir úr UFA þriðja á 50,21 sekúndum.

Keppni verður framhaldið á Kópavogsvelli á morgun.