Taska frá Stellu McCartney vinsæl meðal stjarnanna

Fatahönnuðurinn Stella McCartney hefur í nógu að snúast þessa dagana. Hún var valin hönnuður ársins á bresku tískuverðlaununum, ásamt því sem hún tók nýlega á móti OBE heiðursorðu frá sjálfri Elísabetu bretadrottningu. Nú er það taska frá henni sem er að gera allt vitlaust í tískuheiminum, en stjörnurnar hafa sést skarta henni hver á fætur annarri. Taskan ber krúttlega nafnið Bailey Boo og er úr gervi leðri, en McCartney er mikill dýravinur og notast ekki við alvöru leður í hönnun sinni.