Þá eru jólin komin Gunnþóra Gunnarsdóttir skrifar 18. desember 2013 13:00 söngkonur Guðrún Matthildur og Jóna eru sammála um að mikill jólaandi ríki jafnan á Jólasöngvum Langholtskirkju. Fréttablaðið/Vilhelm Áratugalöng hefð er fyrir Jólasöngvum Kórs Langholtskirkju. Í ár verða tónleikarnir þrennir, dagana 20. til 22. desember, og þar munu Kór Langholtskirkju og Gradualekór Langholtskirkju syngja undir stjórn Jóns Stefánssonar. Þetta verða þrítugustu og sjöttu Jólasöngvarnir við kertaljós og að vanda er boðið upp á rjúkandi jólasúkkulaði og piparkökur í hléi. Einsöngvarar í ár með Kór Langholtskirkju eru Andri Björn Róbertsson, Davíð Ólafsson, Guðrún Matthildur Sigurbergsdóttir, Jóna G. Kolbrúnardóttir, Ólöf Kolbrún Harðardóttir og Þóra Einarsdóttir. Einsöngvari á táknmáli er Kolbrún Völkudóttir og einnig koma nokkrir einsöngvarar fram úr röðum Gradualekórsins. Þær Guðrún Matthildur og Jóna G. eiga rætur í kórastarfi Langholtskirkju. Guðrún Matthildur kveðst hafa byrjað þar fimm ára gömul með Krúttakórnum. „Svo fór ég stig af stigi,“ segir hún brosandi og kveðst hafa sungið einsöng á Jólasöngvum í nokkur ár. Þetta er hins vegar í fyrsta skipti sem Jóna syngur einsöng í Jólastundinni, en hún kveðst búin að vera í kórum í Langholtskirkju í nokkur ár, byrjað í Gradualekórnum og svo farið í Nobili. „Nobili eru eðal Gradlarar, þær bestu af þeim bestu,“ útskýrir Guðrún Matthildur. „Við hittum Jónu í Söngskóla Reykjavíkur og negldum hana,“ segir hún hlæjandi. „Nú erum við báðar í Kór Langholtskirkju.“ Þær stöllur upplýsa að þær syngi saman dúett með kórnum í einu lagi, það er Pie Jesu eftir Andrew Lloyd Webber. „Það lag er upphaflega skrifað fyrir sópransöngkonu og drengjasópran en ég tek að mér drenginn, eins og ekkert sé.“ segir Guðrún Matthildur glaðlega. Þær eru sammála um að mikill jólaandi ríki jafnan á Jólasöngvunum og segja marga varla getað hugsað sér upphaf jólahátíðarinnar án þess að mæta á þá. „Þetta eru mjög hefðbundnir tónleikar í ár en það eru alltaf einhverjir nýir einsöngvarar,“ segir Guðrún Matthildur. „Sumir eru þó alltaf, til dæmis Ólöf Kolbrún. Það er föst og falleg hefð að hún syngur Ó, helga nótt í lok tónleikanna. Þá eru jólin komin.“ Menning Mest lesið „Barnlausa kattakonan“ lýsir yfir stuðningi við Harris Lífið Sendi ítarlegan spurningarlista fyrir fyrsta stefnumótið Lífið Tískan við þingsetningu: Hverjir voru í hverju? Tíska og hönnun Eignaðist barn utan hjónabands Lífið Setur „Hafnarfjarðarhreysið“ á sölu eftir endurbætur Lífið Gat varla gengið en hljóp hálfmaraþon Lífið Hildur Sif og Páll Orri festu kaup á hönnunaríbúð í 101 Lífið „Píratar hafa lengi verið mikið áhugamál hjá mér“ Lífið Myndaveisla: Ofurfjör á Októberfest Tónlist Hafdís segir Emmy tilnefninguna „smá súrrealíska“ Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Áratugalöng hefð er fyrir Jólasöngvum Kórs Langholtskirkju. Í ár verða tónleikarnir þrennir, dagana 20. til 22. desember, og þar munu Kór Langholtskirkju og Gradualekór Langholtskirkju syngja undir stjórn Jóns Stefánssonar. Þetta verða þrítugustu og sjöttu Jólasöngvarnir við kertaljós og að vanda er boðið upp á rjúkandi jólasúkkulaði og piparkökur í hléi. Einsöngvarar í ár með Kór Langholtskirkju eru Andri Björn Róbertsson, Davíð Ólafsson, Guðrún Matthildur Sigurbergsdóttir, Jóna G. Kolbrúnardóttir, Ólöf Kolbrún Harðardóttir og Þóra Einarsdóttir. Einsöngvari á táknmáli er Kolbrún Völkudóttir og einnig koma nokkrir einsöngvarar fram úr röðum Gradualekórsins. Þær Guðrún Matthildur og Jóna G. eiga rætur í kórastarfi Langholtskirkju. Guðrún Matthildur kveðst hafa byrjað þar fimm ára gömul með Krúttakórnum. „Svo fór ég stig af stigi,“ segir hún brosandi og kveðst hafa sungið einsöng á Jólasöngvum í nokkur ár. Þetta er hins vegar í fyrsta skipti sem Jóna syngur einsöng í Jólastundinni, en hún kveðst búin að vera í kórum í Langholtskirkju í nokkur ár, byrjað í Gradualekórnum og svo farið í Nobili. „Nobili eru eðal Gradlarar, þær bestu af þeim bestu,“ útskýrir Guðrún Matthildur. „Við hittum Jónu í Söngskóla Reykjavíkur og negldum hana,“ segir hún hlæjandi. „Nú erum við báðar í Kór Langholtskirkju.“ Þær stöllur upplýsa að þær syngi saman dúett með kórnum í einu lagi, það er Pie Jesu eftir Andrew Lloyd Webber. „Það lag er upphaflega skrifað fyrir sópransöngkonu og drengjasópran en ég tek að mér drenginn, eins og ekkert sé.“ segir Guðrún Matthildur glaðlega. Þær eru sammála um að mikill jólaandi ríki jafnan á Jólasöngvunum og segja marga varla getað hugsað sér upphaf jólahátíðarinnar án þess að mæta á þá. „Þetta eru mjög hefðbundnir tónleikar í ár en það eru alltaf einhverjir nýir einsöngvarar,“ segir Guðrún Matthildur. „Sumir eru þó alltaf, til dæmis Ólöf Kolbrún. Það er föst og falleg hefð að hún syngur Ó, helga nótt í lok tónleikanna. Þá eru jólin komin.“
Menning Mest lesið „Barnlausa kattakonan“ lýsir yfir stuðningi við Harris Lífið Sendi ítarlegan spurningarlista fyrir fyrsta stefnumótið Lífið Tískan við þingsetningu: Hverjir voru í hverju? Tíska og hönnun Eignaðist barn utan hjónabands Lífið Setur „Hafnarfjarðarhreysið“ á sölu eftir endurbætur Lífið Gat varla gengið en hljóp hálfmaraþon Lífið Hildur Sif og Páll Orri festu kaup á hönnunaríbúð í 101 Lífið „Píratar hafa lengi verið mikið áhugamál hjá mér“ Lífið Myndaveisla: Ofurfjör á Októberfest Tónlist Hafdís segir Emmy tilnefninguna „smá súrrealíska“ Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira