Ekki enn rekist á íslensku klíkugrýluna Friðrika Benónýsdóttir skrifar 5. september 2013 12:00 Unnar Geir Unnarsson útskrifaðist frá ASAD fyrir tveimur árum og segist alls ekki hafa orðið var við það að íslenska leiklistarklíkan sé lokuð þeim sem læra erlendis. Fréttablaðið/GVA Blik er heitið á nýju leikriti eftir Phil Porter sem leikhópurinn Arctic frumsýnir í Gamla bíói á sunnudaginn. Unnar Geir Unnarsson, leikstjóri verksins, segir það meinfyndinn harmleik um félagslega hegðun sinnar kynslóðar. „Verkið, sem á ensku heitir Blink, var frumsýnt á Edinborgarhátíðinni í fyrra og síðan flutt í Soho Theatre í London þar sem það sló hressilega í gegn,“ segir Unnar Geir Unnarsson leikstjóri. „Við tryggðum okkur réttinn núna í vor, Súsanna Svavarsdóttir þýddi það fyrir okkur í sumar og svo fórum við bara að æfa á fullu.“ Leikarar í verkinu eru Jenný Lára Arnórsdóttir og Hafsteinn Þór Auðunsson og um tónlistina sér Grímur Gunnarsson. Einungis verða fjórar sýningar og Unnar Geir segir það helgast af því að leikhópurinn sé lítill, án allra styrkja og allir aðstandendur sýningarinnar séu í annarri vinnu meðfram leiklistinni. „Dæmið gengur einfaldlega ekki upp öðruvísi,“ segir hann. „Við sýnum fjórar sýningar á tveimur vikum og höfum bara ekki bolmagn til að halda úti lengra sýningartímabili. Það gengur ekki að fjárhagsáhyggjur hefti listrænt frelsi.“ Þau Unnar, Jenný og Hafsteinn eru öll menntuð í leiklist við ASAD-leiklistarskólann í London og því liggur beint við að spyrja hvort ekki hafi verið erfitt að koma sér á framfæri í íslenska leiklistarheiminum? „Þegar maður kom heim úr námi hafði maður heyrt mikið talað um þessa stóru grýlu; leiklistarklíkuna miklu á Íslandi,“ segir Unnar. „Ég hef nú ekki hitt þá grýlu enn og get ekki betur séð en fólk sé alveg tilbúið að gefa manni jafnmikinn séns og öðrum ef maður hefur eitthvað fram að færa. Auðvitað hafa nemendur úr Listaháskóla Íslands forskot, fólk er kannski búið að fylgjast með þeim alveg frá fyrsta ári, en það þýðir bara að við þurfum aðeins lengri tíma til að sanna hver við erum og fyrir hvað við stöndum. Við leggjum alla áhersluna á að gera eins góðar sýningar og við getum, leggjum okkar framlag á borðið og svo verður framhaldið bara að koma í ljós.“ Unnar segir Blik vera nútímaástarsögu sem gerist í London. Hann segir umfjöllunarefnið taka á nýjum háttum í samskiptum sem orðið hafi til með aðstoð tækninnar. „Það er verið að skoða félagslega hegðun minnar kynslóðar sem finnst að einn status á Facebook uppfylli samskiptaþörf dagsins. Þetta er meinfyndinn harmleikur um samskipti og samskiptaleysi.“ Frumsýningin verður á sunnudag og hinar sýningarnar þrjár verða 11., 13. og 15. september, allar í Gamla bíói. Menning Mest lesið Sendi ítarlegan spurningarlista fyrir fyrsta stefnumótið Lífið „Barnlausa kattakonan“ lýsir yfir stuðningi við Harris Lífið Embla Wigum ástfangin í London Lífið Tískan við þingsetningu: Hverjir voru í hverju? Tíska og hönnun Finnst hann ekki vera að sparka í liggjandi mann Lífið Hildur Sif og Páll Orri festu kaup á hönnunaríbúð í 101 Lífið „Á meðan ég er ætlum við að vera ódýrust“ Lífið Eignaðist barn utan hjónabands Lífið Gat varla gengið en hljóp hálfmaraþon Lífið Setur „Hafnarfjarðarhreysið“ á sölu eftir endurbætur Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Blik er heitið á nýju leikriti eftir Phil Porter sem leikhópurinn Arctic frumsýnir í Gamla bíói á sunnudaginn. Unnar Geir Unnarsson, leikstjóri verksins, segir það meinfyndinn harmleik um félagslega hegðun sinnar kynslóðar. „Verkið, sem á ensku heitir Blink, var frumsýnt á Edinborgarhátíðinni í fyrra og síðan flutt í Soho Theatre í London þar sem það sló hressilega í gegn,“ segir Unnar Geir Unnarsson leikstjóri. „Við tryggðum okkur réttinn núna í vor, Súsanna Svavarsdóttir þýddi það fyrir okkur í sumar og svo fórum við bara að æfa á fullu.“ Leikarar í verkinu eru Jenný Lára Arnórsdóttir og Hafsteinn Þór Auðunsson og um tónlistina sér Grímur Gunnarsson. Einungis verða fjórar sýningar og Unnar Geir segir það helgast af því að leikhópurinn sé lítill, án allra styrkja og allir aðstandendur sýningarinnar séu í annarri vinnu meðfram leiklistinni. „Dæmið gengur einfaldlega ekki upp öðruvísi,“ segir hann. „Við sýnum fjórar sýningar á tveimur vikum og höfum bara ekki bolmagn til að halda úti lengra sýningartímabili. Það gengur ekki að fjárhagsáhyggjur hefti listrænt frelsi.“ Þau Unnar, Jenný og Hafsteinn eru öll menntuð í leiklist við ASAD-leiklistarskólann í London og því liggur beint við að spyrja hvort ekki hafi verið erfitt að koma sér á framfæri í íslenska leiklistarheiminum? „Þegar maður kom heim úr námi hafði maður heyrt mikið talað um þessa stóru grýlu; leiklistarklíkuna miklu á Íslandi,“ segir Unnar. „Ég hef nú ekki hitt þá grýlu enn og get ekki betur séð en fólk sé alveg tilbúið að gefa manni jafnmikinn séns og öðrum ef maður hefur eitthvað fram að færa. Auðvitað hafa nemendur úr Listaháskóla Íslands forskot, fólk er kannski búið að fylgjast með þeim alveg frá fyrsta ári, en það þýðir bara að við þurfum aðeins lengri tíma til að sanna hver við erum og fyrir hvað við stöndum. Við leggjum alla áhersluna á að gera eins góðar sýningar og við getum, leggjum okkar framlag á borðið og svo verður framhaldið bara að koma í ljós.“ Unnar segir Blik vera nútímaástarsögu sem gerist í London. Hann segir umfjöllunarefnið taka á nýjum háttum í samskiptum sem orðið hafi til með aðstoð tækninnar. „Það er verið að skoða félagslega hegðun minnar kynslóðar sem finnst að einn status á Facebook uppfylli samskiptaþörf dagsins. Þetta er meinfyndinn harmleikur um samskipti og samskiptaleysi.“ Frumsýningin verður á sunnudag og hinar sýningarnar þrjár verða 11., 13. og 15. september, allar í Gamla bíói.
Menning Mest lesið Sendi ítarlegan spurningarlista fyrir fyrsta stefnumótið Lífið „Barnlausa kattakonan“ lýsir yfir stuðningi við Harris Lífið Embla Wigum ástfangin í London Lífið Tískan við þingsetningu: Hverjir voru í hverju? Tíska og hönnun Finnst hann ekki vera að sparka í liggjandi mann Lífið Hildur Sif og Páll Orri festu kaup á hönnunaríbúð í 101 Lífið „Á meðan ég er ætlum við að vera ódýrust“ Lífið Eignaðist barn utan hjónabands Lífið Gat varla gengið en hljóp hálfmaraþon Lífið Setur „Hafnarfjarðarhreysið“ á sölu eftir endurbætur Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira