Komu að dauðadrukknu fólki í tjónuðum bíl

Lögreglumenn komu að kyrrstæðum bíl í gangi á Breiðholtsbraut við Elliðaárbrú um klukkan eitt í nótt og voru karl og kona í bílnum.

Þau voru bæði ölvuð og bíllinn var stórskemmdur, en það skýrist ekki fyrr en af fólkinu verður runnið í fangageymslum, hvar eða hvernig bíllinn varð fyrir þessu tjóni.

Í gærkvöldi var ökumaður stöðvaður á Reykjanesbraut við Bústaðaveg, grunaður um akstur undir áhrifum fíkniefna, auk þess sem fíkniefni fundust í fórum hans.