Verk Gunnars langt frá því að vera fullkönnuð Gunnþóra Gunnarsdóttir skrifar 17. maí 2014 12:00 "Eitt af markmiðum okkar með málþinginu er að draga fram aðrar hliðar á Gunnari en hann er þekktastur fyrir,“ segir Skúli Björn Gunnarsson. Fréttablaðið/Gva Fréttablaðið/GVA Skáld á ekki samleið með neinum… er yfirskrift málþings um Gunnar Gunnarsson í Norræna húsinu á morgun milli klukkan 13.30 og 17. Þann dag verða liðin 125 ár frá fæðingu skáldsins. „Þetta afmæli er gott tilefni til málþings,“ segir Skúli Björn Gunnarsson forstöðumaður Gunnarsstofnunar á Skriðuklaustri. „Ekki síst vegna þess að hann Oskar Vistdal, rithöfundur og þýðandi, hefur nýlokið við bók um Gunnar og segir okkur frá henni. Þar dregur hann fram skemmtilega hluti sem ekki hafa verið skoðaðir áður, svo sem bréfaskipti Gunnars við norska höfunda eins og Einar Seim og Olaf Duun.“ Fleira áhugavert er á dagskrá þingsins. Jón Yngvi Jóhannsson bókmenntafræðingur fjallar um skandivisma skáldsins, Áskell Másson tónskáld segir frá glímu sinni við að semja Söngva um vorið sem eru innblásnir af Sonnettusveig Gunnars og Sigrún Hjálmtýsdóttir syngur fyrsta hluta verksins. Róbert Haraldsson prófessor verður með hugleiðingu um síðasta skáldverk Gunnars og Kristján Jóhann Jónsson dósent talar um tvo heimsborgara. Að lokum mun Silja Aðalsteinsdóttir bókmenntafræðingur fjalla um barnasögur Gunnars sem voru myndskreyttar af sama teiknara í Bretlandi og myndskreytti sögur Enid Blyton. „Sennilega hefur skáldið hugsað þær fyrst bara fyrir strákana sína,“ giskar Skúli Björn á og segir þær enn einn vinkilinn á Gunnari Gunnarssyni. „Eitt af markmiðum okkar með málþinginu er að draga fram aðrar hliðar á Gunnari en hann er þekktastur fyrir. Það vantar ekki að menn geti haldið áfram að stúdéra Gunnar. Verk hans eru langt frá því að vera fullkönnuð.“ Um 30 þúsund manns koma í Gunnarsstofnun á Skriðuklaustri á ári að sögn Skúla Björns. „Við reynum að haga hlutum þannig að þegar fólk fer frá Skriðuklaustri finnist því það þurfa að fara að lesa bók eftir Gunnar, hvort sem það hefur þekkt til hans áður eða ekki.“ Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið Dóttir Snæfríðar og Högna komin með nafn Lífið „Þjóðarmorðið í Palestínu hefur sameinað þær“ Lífið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Skáld á ekki samleið með neinum… er yfirskrift málþings um Gunnar Gunnarsson í Norræna húsinu á morgun milli klukkan 13.30 og 17. Þann dag verða liðin 125 ár frá fæðingu skáldsins. „Þetta afmæli er gott tilefni til málþings,“ segir Skúli Björn Gunnarsson forstöðumaður Gunnarsstofnunar á Skriðuklaustri. „Ekki síst vegna þess að hann Oskar Vistdal, rithöfundur og þýðandi, hefur nýlokið við bók um Gunnar og segir okkur frá henni. Þar dregur hann fram skemmtilega hluti sem ekki hafa verið skoðaðir áður, svo sem bréfaskipti Gunnars við norska höfunda eins og Einar Seim og Olaf Duun.“ Fleira áhugavert er á dagskrá þingsins. Jón Yngvi Jóhannsson bókmenntafræðingur fjallar um skandivisma skáldsins, Áskell Másson tónskáld segir frá glímu sinni við að semja Söngva um vorið sem eru innblásnir af Sonnettusveig Gunnars og Sigrún Hjálmtýsdóttir syngur fyrsta hluta verksins. Róbert Haraldsson prófessor verður með hugleiðingu um síðasta skáldverk Gunnars og Kristján Jóhann Jónsson dósent talar um tvo heimsborgara. Að lokum mun Silja Aðalsteinsdóttir bókmenntafræðingur fjalla um barnasögur Gunnars sem voru myndskreyttar af sama teiknara í Bretlandi og myndskreytti sögur Enid Blyton. „Sennilega hefur skáldið hugsað þær fyrst bara fyrir strákana sína,“ giskar Skúli Björn á og segir þær enn einn vinkilinn á Gunnari Gunnarssyni. „Eitt af markmiðum okkar með málþinginu er að draga fram aðrar hliðar á Gunnari en hann er þekktastur fyrir. Það vantar ekki að menn geti haldið áfram að stúdéra Gunnar. Verk hans eru langt frá því að vera fullkönnuð.“ Um 30 þúsund manns koma í Gunnarsstofnun á Skriðuklaustri á ári að sögn Skúla Björns. „Við reynum að haga hlutum þannig að þegar fólk fer frá Skriðuklaustri finnist því það þurfa að fara að lesa bók eftir Gunnar, hvort sem það hefur þekkt til hans áður eða ekki.“
Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Brad Pitt stoppaði í hamborgara í Dalakofanum Lífið Hefur gefið út tvö hundruð lög á fimm mánuðum Lífið Dóttir Snæfríðar og Högna komin með nafn Lífið „Þjóðarmorðið í Palestínu hefur sameinað þær“ Lífið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira