Meiri samkeppni fyrir Björn Bergmann

Enska C-deildarliðið Wolves hefur gengið frá kaupum á sóknarmanninum Leon Clarke frá Coventry.

Clarke fór fram á sölu fyrr í mánuðinum og hefur hún nú gengið í gegn en það var staðfest á heimasíðu Coventry í dag.

Björn Bergmann Sigurðarson er einnig á mála hjá Wolves en hann spilaði síðast með liðinu skömmu fyrir jól og var síðast í hóp á nýársdag. Björn Bergmann hefur áður verið orðaður við Coventry í enskum miðlum.

Talið er að Leigh Griffiths, annar sóknarmaður hjá Wolves, sé á leið til Celtic í Skotlandi á næstu dögum.