Erlent

Eyða átti öllum ljósmyndum af líki bin Ladens

Haukur Viðar Alfreðsson skrifar
Falli bin Ladens var fagnað ákaft um öll Bandaríkin.
Falli bin Ladens var fagnað ákaft um öll Bandaríkin. vísir/afp
Yfirmaður sérsveita Bandaríkjahers fyrirskipaði að öllum ljósmyndum af líki Osama bin Ladens yrði eytt. Það gerði hann þegar minna en tvær vikur höfðu liðið frá því bin Laden var felldur af bandarískri hersveit í Pakistan árið 2011.

Í tölvupósti frá William McRaven frá 13. maí 2011 var þess krafist að þeir sem hefðu ljósmyndir af líkinu í fórum sínum eyddu þeim eða kæmu í hendur bandarísku leyniþjónustunnar, CIA.

Samtök íhaldssamra aðgerðasinna sem kalla sig Judicial Watch komust yfir eintak af póstinum en búið er að afmá nöfn viðtakenda. Samtökin hafa beitt sér fyrir því að myndir af líki bin Ladens verði birtar almenningi og telur formaðurinn að eyðing gagnanna kunni að varða við lög.

Nokkrum dögum eftir áhlaupið sagði Barack Obama Bandaríkjaforseti í samtali við fréttaskýringaþáttinn 60 Minutes að mikilvægt væri að grafískar myndir af manni sem búið væri að skjóta í hausinn væru ekki í umferð. Það gæti hvatt til frekara ofbeldis, og tók Tom Fuentes, fyrrverandi yfirmaður hjá alríkislögreglunni í sama streng.

„Við myndum sjá þær ljósmyndir í sjónvarpinu að eilífu. Í kjölfarið gæti áhugi á að ganga til liðs við al-Kaída aukist og bin Laden yrði gerður að píslarvotti.“

Obama Bandaríkjaforseti, Joe Biden varaforseti, Hillary Clinton utanríkisráðherra og fleiri, fylgjast með áhlaupinu á höll bin Ladens 2. maí 2011 í Hvíta húsinu.vísir/afp

Tengdar fréttir

Felustaður Bin Laden brennur

Kveikt var í felustað Osama Bin Laden í morgun eftir að fréttir bárust af því að hann hefði verið myrtur af bandarískum sérsveitarmönnum. Sjónvarpsstöðvar í Pakistan hafa sýnt myndir af logandi húsinu en eftir því sem næst verður komist voru það heimamenn sem kveiktu í því. Osama hafði falið sit í bænum Abbottabad, sem er í um 100 kílómetra norðan við höfuðborg Pakistans, Islamabad. Húsið var girt af með ríflega fimm metra háum vegg, og gaddavír.

Eitt ár frá því Bin Laden var drepinn

Eitt ár er síðan Osama Bin Laden var drepinn af bandarískum sérsveitarmönnum í Pakistan. Mörgum kom á óvart að Bin Laden hefði alls ekki verið í felum í helli, heldur búið í veglegu stórhýsi ásamt fjölskyldu sinni. Bandaríkjamenn óskuðu því eftir svörum um hvort yfirvöld í Pakistan hefðu haldið hlífiskildi yfir Bin Laden. CBS fréttastofan greinir frá því í dag að enn hafi engin svör borist, og að þessi skortur á svörum hafi í raun eitrað samskipti milli yfirvalda landanna tveggja.

Hefðu viljað ná Osama lifandi

Osama bin Laden hefði verið tekinn lifandi svo hægt hefði verið að rétta yfir honum, ef þess hefði verið nokkur kostur.

Ár liðið síðan Osama var drepinn - hryðjuverkastríðið heldur samt áfram

Ár er liðið frá því að sérsveitir bandaríska hersins fundu og drápu hryðjuverkaleiðtogann Osama Bin Laden á felustað sínum í Pakistan. Sérfræðingar sem AP fréttastofan ræddi við segja að fráfall Bin Ladens dragi ekki úr hryðjuverkaógninni; enn sé óttast að Al Kaída reyni að ráðast á Bandaríkin.

Bin Laden notaði eiginkonuna sem skjöld

Osama Bin Laden notaði lifandi eiginkonu sína sem skjöld áður en hann var skotinn í gær. Þetta segir John Brennan, yfirmaður gagnhryðjuverkamála í Hvíta húsinu.

Obama hitti mennina sem drápu Bin Laden

Barack Obama Bandaríkjaforseti hitti í dag hermennina sem tóku þátt í að drepa hryðjuverkaleiðtogann Osama Bin Laden. Hann þakkaði hópnum fyrir „vel unnin störf“ og sagði að þeir séu hinir „hljóðlátu atvinnumenn Ameríku“.

Munu reyna að hefna fyrir dauða Osama

Yfirmaður bandarísku leyniþjónustunanr CIA segir að hryðjuverkasamtökin Al Kaída muni án vafa reyna að hefna fyrir drápið á leiðtoga sínum Osama bin Laden. Leon Panetta segir að þrátt fyrir að Osama sé allur, sé ekki hægt að segja það sama um samtökin sem hann stýrði.

Ekkjur Osama Bin Laden ákærðar

Ekkjur Osama Bin Ladens hafa verið ákærðar fyrir að hafa komið til Pakistan með ólögmætum hætti. Konurnar voru handsamaðir af bandarískum hermönnum í bænum Abbottabad þegar Bin Laden var felldur á síðasta ári.

Sagði frá staðsetningu Bin Laden árið 2003

Bandaríkjamaður hefur farið fram á 25 milljónir dala í fundalaun frá bandarísku alríkislögreglunni [FBI] fyrir ábendingu sem á að hafa leitt til þess að Osama Bin Laden fannst og var drepinn árið 2011.

Fylgdust með árásinni á Bin Laden í beinni útsendingu

Barack Obama og helstu ráðgjafar hans fylgdust með árásinni á virki Osama Bin Ladens í beinni útsendingu í stríðsherbergi Hvíta hússins. Kvikmyndatökuvélar voru bæði í þyrlunum og eins á hjálmum einhverra hermannanna. Forsetinn gat því fylgst með því sem gerðist bæði utan dyra og innan.

Dráp bin Laden dregur dilk á eftir sér

Niðurstaða nefndar sem skipuð var af yfirvöldum í Pakistan mælir með því að Dr Shakeel Afridi verði saksóttur fyrir landráð. Læknirinn er sakaður um að hafa aðstoðað leyniþjónustu Bandaríkjanna við að hafa hendur í hári Osama bin-Laden.

Reuters birtir hrikalegar myndir frá árásinni á Bin Laden

Reuters fréttastofan hefur undir höndum myndir sem teknar eru við aðsetur Osama Bin Ladens í Abbottabad í Pakistan skömmu eftir að árásin var gerð þar á sunnudaginn. Myndirnar sína þrjá menn í blóði sínu. Bin Laden er ekki þeirra á meðal.

Bin Laden gekk um með kúrekahatt

Rannsóknarnefnd í Pakistan sakar stjórnvöld um vanhæfni við leitina að Osama bin Laden. Bandaríkin sökuð um hroka og fyrirlitningu.

Skjölunum um bin Laden forðað

Skjölin um árásina á Osama bin Laden vorið 2011 hafa verið flutt til leyniþjónustunnar CIA úr varnarmálaráðuneytinu. Þannig á að vera tryggt að þau verði aldrei gerð opinber.

Íhuga að birta myndir af líki Bin Ladens

Yfirmaður bandarísku leyniþjónustunnar CIA ýjaði að því í dag að myndir sem sýna sundurskotið lík Osama Bin Laden verði gerðar opinberar. Engin mynd hefur enn verið birt af líkinu en bandarísk yfirvöld óttast að slík birting myndi framkalla reiði fólks og að hún yrði talin ósmekkleg. Líkið af hryðjuverkaleiðtoganum var myndað á að minnsta kosti tveimur stöðum, í herstöð í Afganistan og um borð í herskipinu USS Vinson rétt áður en líkinu var varpað fyrir borð.

Osama Bin Laden er látinn

Osama Bin Laden, leiðtogi Al-Kaída-hryðjuverkasamtakanna, er látinn. Þetta staðfesti Barack Obama Bandaríkjaforseti í ávarpi til þjóðar sinnar.

Mest lesið


Fleiri fréttir

Sjá meira


×

Mest lesið