Cristiano Ronaldo steinlá eftir að fá kveikjara í höfuðið í leik Real Madrid gegn Atlético í gærkvöldi.
Ronaldo var á leið til búningsklefa í hálfleik þegar einhver vanstilltur áhorfandi ákvað að negla kveikjaranum í Portúgalann.
Hann þurfti á aðhlynningu að halda en hélt áfram leik og gekk frá Atlético-mönnum með tveimur mörkum úr vítaspyrnum.
Real vann fyrri leik liðanna í bikarnum, 3-0, og fór liðið því áfram í úrslitaleikinn, samanlagt 5-0.
Atlético Madrid má búast við harðri refsingu frá spænska knattspyrnusambandinu vegna gjörða áhorfandans.
Fótbolti
