Salman Tamimi kærir hatursfull ummæli Jakob Bjarnar skrifar 3. júní 2014 11:51 Salman Tamimi, trúarleiðtogi múslima á Íslandi, segir að ekki megi gefa neinn afslátt á mannréttindum. Hann ætlar að kæra ummæli sem féllu á athugasemdakerfi Vísis og víðar í vikunni. Frétt sem Vísir birti 1. júní, undir fyrirsögninni „Hægt að byrja á byggingu mosku strax eftir helgi“ vakti mikla athygli og umræða og athugasemdir hrönnuðust inn á athugasemdakerfi fréttavefsins. Sum þeirra ummæla voru mjög harkaleg og beindust að Salman og Sverri Agnarssyni formanni Félags múslima á Íslandi.Hægt gengur með rannsókn í svínshausamálinu Ummælin eru þannig að þau er vart hægt að hafa eftir en þau fólu meðal annars í sér líflátshótanir. Herðubreið hefur birt hluta þessara ummæla. Vísir ræddi við Salman Tamimi í morgun en þá var hann á leið til fundar við lögmann sinn Helgu Völu Helgadóttur, og í kjölfarið ætlar hann að leggja fram kæru. „Jájá, ég legg fram kæru. Náttúrlega. Það er ekki hægt að sitja þegjandi undir þessu,“ segir Salman. Hann er reyndar ekkert of bjartsýnn á að lögreglan taki kæru hans föstum tökum, því ekkert er að frétta af kæru sem tók til þess er einhverjir tóku sig til og dreifðu svínshausum á umrædda lóð sem múslimum hafði verið úthlutað af borgaryfirvöldum. Salman segir að rannsókn málsins hafi verið hroðvirknisleg, þar sem meðal annars sönnunargögnum; svínshausunum og tilkynningum sem voru látnar fylgja með, hafi verið hent. „Þetta var ekki rusl. Þetta voru sönnunargögn í sakamáli. Og það er ekkert að frétta af þeirri rannsókn.“Stórhættulegt útspil FramsóknarmannaUmræðan um mosku blossaði upp í aðdraganda borgarstjórnarkosninga þegar sem Framsóknarmenn settu á oddinn að draga ætti lóðarúthlutunina til baka. Salman segir þetta stórhættulegt útspil, til þess fallið að róa undir útlendingahatri. „Afskaplega lágkúrulegt útspil. Og afleiðingarnar geta verið mjög mjög alvarlegar í okkar samfélagi. Þeir eru ekki búnir að reikna þetta til enda. Þeir vildu bara fá atkvæðin. Og skiptir ekki máli hvernig þau eru fengin. Breivik hinn norski, sá sem hóf skothríð og drap fjölda norskra ungmenna í júlí 2011, var æstur upp með þessum hætti. Nú fá þessir rasistar og brjálæðingar sem eru í samfélaginu óbeinan stuðning frá stjórnmálamanni elsta stjórnmálaflokks landsins. Með yfirlýsingum sem beinast gegn litlum hópi,“ segir Salman Tamimi.Þung viðurlögHelga Vala Helgadóttir er lögmaður Salmans Tamimi og hún segir þung viðurlög liggja við hatursfullum ummælum sem þessum. „Þetta ákvæði sem við erum að horfa á, þá eru viðurlög allt að tveggja ára fangelsi, við slíkum ummælum, þegar einhver ræðst með hótunum gegn annarri manneskju.“Eru þetta mörg ummæli sem um ræðir? „Þau eru orðin nokkuð mörg. Svo virðist sem við höfum opnað þarna eitthvert Pandóru-box með þessum fríða flokki frambjóðenda Framsóknarflokksins sem nú hafa veitt þessum hópi stuðning sinn.“ Helga Vala segir þetta blossa upp hér og þar á netinu. Hún segir engan mun á því hvort ummæli sem þessi falli á netinu eða annars staðar. Netið sé opinber vettvangur. Um verður að ræða bótakröfur, Helga Vala segir algera nauðsyn að setja niður fótinn. Hún bendir á að hægt miði með rannsókn á svínshöfðamálinu.Nauðsynlegt að setja niður fótinnErtu að segja að lögreglan dragi lappirnar í málum sem snúa að múslimum? „Nei, ég er ekkert að gera það. Ég veit að það er mikið að gera hjá lögreglunni. En, meðan ekkert er gert þá grasserar þetta,“ segir Helga Vala sem tekur undir með skjólstæðing sínum; mikilvægt sé að sýna mönnum að það sem hér um ræðir er refsivert. Því er svo við þetta að bæta að einn þeirra sem um ræðir, sem setti hatursfull ummæli inn á athugasemdakerfi Vísis, hefur beðist afsökunar á þeim og sagt þau sett fram í algjöru óviti, hugsunarleysi og vitleysu. „Ég á enga aðra afsökun en dómgreindarleysi í þessu máli,“ segir sá og iðrast sáran. DV hefur þegar gert sér mat úr því máli. Trúmál Mest lesið Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Dvaldi lengi í Engey áður en hún synti til baka í flasið á hvalaskoðunarskipi Innlent „Væri ekki að fara ef ekki væri fyrir góðvild fólks“ Innlent Stórhættulegur framúrakstur á Holtavörðuheiði Innlent Munaði engu að ökumaður straujaði niður nítján hjólreiðamenn Innlent Þrettán þúsund krónur fyrir nótt í tjaldi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Veitingamenn berjist í bökkum Innlent Eitraði fyrir sjálfri sér og ferðafélögum sínum með blásýru Erlent Fleiri fréttir Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Sjá meira
Salman Tamimi, trúarleiðtogi múslima á Íslandi, segir að ekki megi gefa neinn afslátt á mannréttindum. Hann ætlar að kæra ummæli sem féllu á athugasemdakerfi Vísis og víðar í vikunni. Frétt sem Vísir birti 1. júní, undir fyrirsögninni „Hægt að byrja á byggingu mosku strax eftir helgi“ vakti mikla athygli og umræða og athugasemdir hrönnuðust inn á athugasemdakerfi fréttavefsins. Sum þeirra ummæla voru mjög harkaleg og beindust að Salman og Sverri Agnarssyni formanni Félags múslima á Íslandi.Hægt gengur með rannsókn í svínshausamálinu Ummælin eru þannig að þau er vart hægt að hafa eftir en þau fólu meðal annars í sér líflátshótanir. Herðubreið hefur birt hluta þessara ummæla. Vísir ræddi við Salman Tamimi í morgun en þá var hann á leið til fundar við lögmann sinn Helgu Völu Helgadóttur, og í kjölfarið ætlar hann að leggja fram kæru. „Jájá, ég legg fram kæru. Náttúrlega. Það er ekki hægt að sitja þegjandi undir þessu,“ segir Salman. Hann er reyndar ekkert of bjartsýnn á að lögreglan taki kæru hans föstum tökum, því ekkert er að frétta af kæru sem tók til þess er einhverjir tóku sig til og dreifðu svínshausum á umrædda lóð sem múslimum hafði verið úthlutað af borgaryfirvöldum. Salman segir að rannsókn málsins hafi verið hroðvirknisleg, þar sem meðal annars sönnunargögnum; svínshausunum og tilkynningum sem voru látnar fylgja með, hafi verið hent. „Þetta var ekki rusl. Þetta voru sönnunargögn í sakamáli. Og það er ekkert að frétta af þeirri rannsókn.“Stórhættulegt útspil FramsóknarmannaUmræðan um mosku blossaði upp í aðdraganda borgarstjórnarkosninga þegar sem Framsóknarmenn settu á oddinn að draga ætti lóðarúthlutunina til baka. Salman segir þetta stórhættulegt útspil, til þess fallið að róa undir útlendingahatri. „Afskaplega lágkúrulegt útspil. Og afleiðingarnar geta verið mjög mjög alvarlegar í okkar samfélagi. Þeir eru ekki búnir að reikna þetta til enda. Þeir vildu bara fá atkvæðin. Og skiptir ekki máli hvernig þau eru fengin. Breivik hinn norski, sá sem hóf skothríð og drap fjölda norskra ungmenna í júlí 2011, var æstur upp með þessum hætti. Nú fá þessir rasistar og brjálæðingar sem eru í samfélaginu óbeinan stuðning frá stjórnmálamanni elsta stjórnmálaflokks landsins. Með yfirlýsingum sem beinast gegn litlum hópi,“ segir Salman Tamimi.Þung viðurlögHelga Vala Helgadóttir er lögmaður Salmans Tamimi og hún segir þung viðurlög liggja við hatursfullum ummælum sem þessum. „Þetta ákvæði sem við erum að horfa á, þá eru viðurlög allt að tveggja ára fangelsi, við slíkum ummælum, þegar einhver ræðst með hótunum gegn annarri manneskju.“Eru þetta mörg ummæli sem um ræðir? „Þau eru orðin nokkuð mörg. Svo virðist sem við höfum opnað þarna eitthvert Pandóru-box með þessum fríða flokki frambjóðenda Framsóknarflokksins sem nú hafa veitt þessum hópi stuðning sinn.“ Helga Vala segir þetta blossa upp hér og þar á netinu. Hún segir engan mun á því hvort ummæli sem þessi falli á netinu eða annars staðar. Netið sé opinber vettvangur. Um verður að ræða bótakröfur, Helga Vala segir algera nauðsyn að setja niður fótinn. Hún bendir á að hægt miði með rannsókn á svínshöfðamálinu.Nauðsynlegt að setja niður fótinnErtu að segja að lögreglan dragi lappirnar í málum sem snúa að múslimum? „Nei, ég er ekkert að gera það. Ég veit að það er mikið að gera hjá lögreglunni. En, meðan ekkert er gert þá grasserar þetta,“ segir Helga Vala sem tekur undir með skjólstæðing sínum; mikilvægt sé að sýna mönnum að það sem hér um ræðir er refsivert. Því er svo við þetta að bæta að einn þeirra sem um ræðir, sem setti hatursfull ummæli inn á athugasemdakerfi Vísis, hefur beðist afsökunar á þeim og sagt þau sett fram í algjöru óviti, hugsunarleysi og vitleysu. „Ég á enga aðra afsökun en dómgreindarleysi í þessu máli,“ segir sá og iðrast sáran. DV hefur þegar gert sér mat úr því máli.
Trúmál Mest lesið Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent Dvaldi lengi í Engey áður en hún synti til baka í flasið á hvalaskoðunarskipi Innlent „Væri ekki að fara ef ekki væri fyrir góðvild fólks“ Innlent Stórhættulegur framúrakstur á Holtavörðuheiði Innlent Munaði engu að ökumaður straujaði niður nítján hjólreiðamenn Innlent Þrettán þúsund krónur fyrir nótt í tjaldi Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Veitingamenn berjist í bökkum Innlent Eitraði fyrir sjálfri sér og ferðafélögum sínum með blásýru Erlent Fleiri fréttir Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Sjá meira
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent