Cesc Fabregas segist hafa sjálfur tekið þá ákvörðun að yfirgefa herbúðir Barcelona.
Fabregas gekk nýverið frá samningi við Chelsea í Englandi og snýr hann því aftur í ensku úrvalsdeildina þegar nýtt tímabil hefst í ágúst.
„Það kom að því að ég þurfti að taka ákvörðun og bað ég um aðstoð Zubi [Andoni Zubizarreta, yfirmann knattspyrnumála] og forsetans [Josep Mario Bartomeu] til að taka rétt skref,“ sagði Fabregas.
„Það var margt sem kom til. Mér gekk ekki illa og tölfræðin sýnir það en hins vegar gekk mér illa að skora eða leggja upp í stærstu leikjunum.“
„En ég kveð sáttur. Ég hef spilað með vinum mínum og upplifað ótrúleg augnablik á Nou Camp. Þetta var frábær tími en honum er nú lokið og ég vil prófa eitthvað nýtt.“
„Ég bað því um að fara,“ sagði Fabregas sem snýr nú aftur til Lundúna þar sem hann bjó í átta ár á meðan hann var á mála hjá Arsenal. „Ég veit að ég verð hamingjusamur þar.“
Fabregas: Ég vildi fara
Tengdar fréttir
Fábregas genginn í raðir Chelsea
Arsenal sóttist ekki eftir því að fá Spánverjann aftur í sínar raðir.
Arsenal hefur forkaupsrétt á Fabregas
Ensku miðlarnir hafa í dag slúðrað um möguleg kaup Arsenal á spænska landsliðsmanninum Cesc Fabregas og Daily Mirror slær því upp að ensku bikarmeistararnir hafi áhuga á því að kaupa Cesc aftur frá Barcelona.
Arsenal dregur sig úr baráttunni um Fabregas
Wenger á höttunum eftir vinstri bakverði, sóknarmanni, varamarkmanni en ekki skapandi miðjumanni.
Fábregas: Arsenal var með nóg af mönnum í minni stöðu
Sem kunnugt er gekk Cesc Fábregas til liðs við Chelsea frá Barcelona í síðustu viku. Það kom mörgum á óvart enda var Arsenal, hans gamla félag, með forkaupsrétt á Fábregas.
Reynir að fá Fabregas til United
David De Gea, markvörður Manchester United og spænska landsliðsins, nýtir tímann utan æfinga til þess að reyna að sannfæra Cesc Fabregas að ganga til liðs við rauðu djöflana.
