Reyndi Suárez að bíta Chiellini fyrir ári síðan?

Hegðun Luis Suárez í leik Úrúgvæ og Ítalíu í gær vakti athygli út um allan heim þegar hann beit Giorgio Chiellini, leikmann ítalska landsliðsins, í öxlina í leik liðanna.

Tæplega ár er liðið frá því að að Ítalía og Úrúgvæ mættust síðast og fór leikurinn einnig fram í Brasilíu. Um var að ræða bronsleikinn í Álfukeppninni en Ítalir fóru með sigur af hólmi eftir vítaspyrnukeppni.

Á myndunum sem má sjá hér fyrir neðan virðist Suárez ætla að bíta í Chiellini en nær ekki í öxlina á honum. Varnarmaðurinn sterki gerði sér grein fyrir hvað var að gerast en Suárez slapp með atvikið.

Myndir frá atvikinu má sjá hér fyrir neðan.